ۆارشاۆادا «تابىسقا جەتۋ تاريحى: قازاقستان مەملەكەتتىلىگىنىڭ 30 جىلدىعى جانە بولاشاقتاعى سىن-قاتەرلەر» اتتى حالىقارالىق پىكىر الماسۋ سەمينارى ءوتتى, دەپ حابارلايدى Egemen.kz.
مەرەيتويعا قاتىستى ءىس-شارانى قازاقستان ەلشىلىگى جانە پولشانىڭ ميحال بويم اتىنداعى ازيالىق جانە جاھاندىق زەرتتەۋلەر ينستيتۋتى بىرلەسە ۇيىمداستىردى.
كونفەرەنتسيا سپيكەرلەرىنىڭ قۇرامىنا پولشا پرەزيدەنتى (1995-2005 جج.) الەكساندر كۆاسنەۆسكي, قازاقستان ءسىم جانىنداعى سىرتقى ساياسي زەرتتەۋلەر ينستيتۋتىنىڭ باسقارما توراعاسى بولات نۇرعاليەۆ جانە حالىقارالىق ۇيىمدار جانە ينتەگراتسيالىق ۇدەرىستەر باسقارماسىنىڭ باسشىسى ءمادينا جاربوسىنوۆا, «Polpharma توبىنىڭ» پرەزيدەنتى – قازاقستاننىڭ پولشاداعى قۇرمەتتى كونسۋلى ەجي ستاراك, «سەلەنا توبىنىڭ» نەگىزىن قالاۋشى كشيشتوف دومارەتسكي, سونداي-اق قازاقستان ءسىم ينۆەستيتسيالار كوميتەتىنىڭ توراعاسى م.ا. ارداق زەبەشەۆ سياقتى كورنەكتى ساياساتكەرلەر مەن بيزنەس قۇرىلىمداردىڭ باسشىلارى كىردى. سونىمەن قاتار, سەمينار جۇمىسىنا قازاقستان, پولشا جانە ەۋروپالىق وداقتىڭ سالالىق مەملەكەتتىك ورگاندارىنىڭ جانە ساراپتامالىق-تالداۋ توپتارىنىڭ وكىلدەرى قاتىستى.
ءوز سوزىندە قازاقستان ەلشىسى ءالىم قيراباەۆ اۋديتوريانى مەملەكەتىمىزدىڭ نەگىزگى جەتىستىكتەرىمەن تانىستىرىپ, ونىڭ يادرولىق قارۋعا قارسى قوزعالىس پروتسەسىنە قوسقان قوماقتى ۇلەسىنە جانە بىتىمگەرشىلىك باستامالارىنا ەرەكشە كوڭىل اۋداردى. قاتىسۋشىلاردىڭ نازارىنا سونداي-اق پرەزيدەنت قاسىم-جومارت توقاەۆتىڭ باستاماسىمەن قازاقستاندا جۇرگىزىلىپ جاتقان ساياسي جانە الەۋمەتتىك-ەكونوميكالىق وزگەرىستەر تۋرالى اقپارات ۇسىنىلدى.
ا, كۆاسنەۆسكي ءوز سوزىندە قازاقستاننىڭ الەمنىڭ كوپتەگەن مەملەكەتتەرى ءۇشىن ۇلگى بولا الاتىن جاۋاپتى, بەيبىتسۇيگىش ساياساتىنا جانە ۇلتتىق كەلىسىمىنە نازار اۋدارا وتىرىپ, تاريحي تۇرعىدان العاندا قىسقا مەرزىمدە ەلىمىزدىڭ قول جەتكىزگەن تابىستارىن اتاپ ءوتتى. ورايلى ءساتتى پايدالانا وتىرىپ, ول ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆقا جانە بارشا قازاقستاندىقتارعا تاۋەلسىزدىكتىڭ 30-جىلدىعىنا وراي ءوزىنىڭ قۇتتىقتاۋلارى مەن ىزگى تىلەكتەرىن جەتكىزۋدى سۇرادى.
سەمينار الاڭىندا تاۋەلسىزدىك العاننان بەرى قازاقستاندا جۇرگىزىلگەن نەگىزگى رەفورمالاردىڭ ناتيجەلەرى, پاندەميادان كەيىنگى كەزەڭدە ەكى ەل الدىندا تۇرعان ورتاق سىن-قاتەرلەر, قازاقستاننىڭ پولشامەن جانە ەۋرووداقپەن ىنتىماقتاستىقتىڭ وزگە دە وزەكتى ماسەلەلەردى تالقىلادى.
پىكىرتالاس بارىسىندا قاتىسۋشىلار قازاقستان رەسپۋبليكاسىنىڭ ساياسي جانە قوعامدىق-ەكونوميكالىق دامۋى, سىرتقى ساياساتىنا قاتىستى ساراپتامالىق پىكىرلەرمەن الماسىپ, قۇندى پراكتيكالىق ۇسىنىستار بەردى.