سقو ايىرتاۋ اۋدانىنىڭ ورتالىعى ساۋمالكولدەگى كوپىردە قايعىلى جاعداي ورىن الدى, دەپ حابارلايدى Egemen.kz.
قوستاناي قالاسىنىڭ بىرنەشە تۇرعىنى «Toyota RAV 4» كولىگىمەن كوكشەتاۋ قالاسىنان كەلە جاتقان. قوزعالىس كەزىندە جۇبايىنا رولگە وتىرۋدى وتىنگەن ەر ادام اۆتوموبيل سالونىنان قۇلاپ كەتكەن. جولاۋشىلار زارداپ شەگۋشىنى اۋداندىق ورتالىق اۋرۋحاناعا جەتكىزگەنىمەن ول جان ساقتاۋ بولىمشەسىندە جان تاپسىرعان.
بولعان وقيعانىڭ ءمان-جايىن تولىق جانە جان-جاقتى قاراۋعا باعىتتالعان تەرگەۋ جۇرگىزىلۋدە.
«قايتىس بولعاننىڭ تۋىستارىنىڭ ايتۋىنا قاراعاندا ەر ادام ەلەكتروندى سيگارەتىن الامىن دەپ ەسىكتى اشقان ساتتە قۇلاپ كەتكەنىن ءتۇسىندىردى. اۆتوكولىكتىڭ جولاۋشىلارىنان قاۋىپسىزدىك ماسەلەسىنە جاۋاپكەرشىلىكپەن قاراۋدى, قاۋىپسىزدىك بەلبەۋىن اعىتپاۋدى جانە قوزعالىس كەزىندە ەسىكتى اشپاۋدى سۇرايمىز. ەگەر ەسىكتى اشۋ قاجەت بولعان جاعدايدا جۇرگىزۋشىگە بەلگى بەرىپ, كولىك قۇرالىنىڭ تولىق توقتاعانىن كۇتۋ كەرەك», دەيدى اۋداندىق پب باستىعى, پوليتسيا پولكوۆنيگى مارات سەركەشەۆ.