ورتالىق كوممۋنيكاتسيالار قىزمەتىندە ءىىم اكىمشىلىك پوليتسيا كوميتەتىنىڭ توراعاسى مۇرات بايمۇقاشەۆ 2022 جىلدان باستاپ ۋچاسكەلىك ينسپەكتوردىڭ جالاقىسى تاعى 30 پايىزعا, ال كومەكشىلەرىنىڭ جالاقىسى 7 پايىزعا ارتاتىنىن مالىمدەدى, دەپ حابارلايدى Egemen.kz
«ۇزدىك قىزمەتكەرلەردى ىرىكتەۋ ءۇشىن كانديداتتارعا قاتىستى بىلىكتىلىك تالاپتارى, ونىڭ ىشىندە بوس جۇمىس ورنىنا ورنالاستىرۋعا قويىلاتىن تالاپتار كۇشەيتىلىپ جاتىر. سوندىقتان 2019 جىلى ۋچاسكەلىك ينسپەكتورلاردىڭ جالاقىسى 25 پايىزعا ارتتى. بيىلدىڭ باسىنان ولاردىڭ كومەكشىلەرىنىڭ جالاقىسى 30 پايىزعا ءوستى. قازىرگى كەزدە ۋچاسكەلىك ينسپەكتوردىڭ جالاقىسى 177-266 مىڭ تەڭگە ارالاعىندا», دەدى كوميتەت باسشىسى.
مۇرات بايمۇقاشەۆتىڭ ايتۋىنشا, الداعى جىلدان ۋچاسكەلىك ينسپەكتوردىڭ جالاقىسى تاعى 30 پايىزعا, ال كومەكشىلەرىنىڭ جالاقىسى 7 پايىزعا ارتادى. بەلگىلى بولعانداي, 2019 جىلدىڭ شىلدەسىنەن ۋچاسكەلىك ينسپەكتورعا تۇرعىن ءۇيدى جالعا العانى ءۇشىن وتەماقى تولەنەدى.
«بيىلدىڭ 1 قاڭتارىنان بۇل تىزىمگە ۋچاسكەلىك ينسپەكتور كومەكشىسى دە ەندى. وسى جىلدىڭ ساۋىرىنەن باستاپ ولار وسى باسپانا تولەمدەرىن تۇرعىن ءۇيدى جەكەمەنشىككە الۋ ءۇشىن پايدالانا الادى. ياعني تولەمدەردى ءبولىپ تولەۋ نەمەسە يپوتەكالىق نەسيەلەۋ باعىتىنا قاتىسۋ مۇمكىندىگى بار», دەدى مۇرات بايمۇقاشەۆ.