مەملەكەت باسشىسى باتىس قازاقستان وبلىسىنىڭ اكىمىن قابىلدادى

قازاقستان پرەزيدەنتىنە ءوڭىردىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى, جەر قاتىناستارىنا قاتىستى بۇعان دەيىن بەرىلگەن تاپسىرمالاردىڭ ورىندالۋى, سونداي-اق, «حالىق ۇنىنە قۇلاق اساتىن مەملەكەت» تۇجىرىمداماسىنىڭ جۇزەگە اسىرىلۋىن قامتاماسىز ەتۋ, الەۋمەتتىك-كاسىپكەرلىك كورپوراتسيالارىنىڭ جۇمىستارى,  ينۆەستيتسيا تارتۋ جانە جايىق ترانسشەكارالىق وزەنىنىڭ پروبلەمالارى جونىندە باياندالدى.

قاسىم-جومارت توقاەۆقا جەرگىلىكتى جۇرتشىلىقتىڭ بيۋدجەتتەن قارجىلاندىرىلاتىن جوبالاردىڭ جۇزەگە اسىرىلۋىن باقىلاۋعا, ءوڭىردى سۋمەن جانە جىلۋمەن قامتاماسىز ەتۋگە, اۆتوجولدار سالۋعا جانە ەلەكتر جەلىلەرىن جاڭعىرتۋعا قاتىستى ماسەلەلەردى شەشۋگە اتسالىسىپ جاتقانى تۋرالى مالىمەت بەرىلدى.

مەملەكەت باسشىسى ءوڭىردىڭ ەت ونىمدەرىن ۇلعايتۋعا جانە وسى سالادا ەلىمىزدىڭ الەمدىك نارىقتاعى ورنىن نىعايتۋعا مۇمكىندىگى بار ەكەنىن اتاپ ءوتىپ, اكىمدىكتىڭ باتىس قازاقستان وبلىسىندا مال شارۋاشىلىعىن دامىتۋدىڭ عىلىمي-وندىرىستىك بازاسىن قۇرۋ جونىندەگى جوسپارىن قولدادى.

پرەزيدەنت ورالدا ماشينا جاساۋ سالاسىنىڭ تەحنيكالىق جانە كادرلىق الەۋەتىن ساقتاۋ قاجەت ەكەنىنە نازار اۋدارىپ, عالي ەسقاليەۆكە دەموگرافيالىق قاۋىپتى ازايتۋ, جاڭا جۇمىس ورىندارىن اشۋ جانە ينۆەستورلاردى قولداۋ جونىندە مىندەت جۇكتەدى.

مەملەكەت باسشىسى ءار ءوڭىردىڭ ەرەكشەلىگىن ەسكەرە وتىرىپ, بيۋدجەتتى ءادىل ءبولۋدىڭ, بيۋدجەتارالىق قاتىناستاردىڭ ءتيىمدى تەتىگىن ەنگىزۋدىڭ ماڭىزدىلىعىن ايتتى. ونىڭ ايتۋىنشا, وبلىستار سالىقتان تۇسەتىن قارجىنى جەرگىلىكتى دەڭگەيدە قالاي جۇمساۋ كەرەك ەكەنىن انىق تۇسىنۋگە ءتيىس.