قازاقستان رەسپۋبليكاسىنىڭ پرەزيدەنتى جوعارى ەۋرازيالىق ەكونوميكالىق كەڭەس وتىرىسىندا ۆاكتسيناتسيا مەن وزگە ءىس-شارالار تاياۋ ۋاقىتتا احۋالدىڭ تۇراقتانۋىنا مۇمكىندىك بەرەتىنى جايىندا ايتتى, دەپ حابارلايدى Egemen.kz.
«وكىنىشكە قاراي, مىنە 1,5 جىل بويى پاندەميا بىزگە جۇزبە-ءجۇز جۇزدەسۋگە مۇمكىندىك بەرمەي وتىر. دەگەنمەن, بۇل جايت ءبىزدىڭ بىرلەسكەن جۇمىستارىمىزدىڭ ساپاسىنا كەدەرگى كەلتىرە المايتىندىعى قۋانتادى. ەلدەرىمىزدە جۇزەگە اسىرىلىپ جاتقان ۆاكتسيناتسيا مەن وزگە ءىس-شارالار تاياۋ ۋاقىتتا احۋالدىڭ تۇراقتانۋىنا مۇمكىندىك بەرىپ, كەلەسى وتىرىستى ءداستۇرلى فورماتتا وتكىزەتىندىگىمىزگە سەنىمدىمىن», دەدى قاسىم-جومارت توقاەۆ.