سولتۇستىك قازاقستان وبلىسىندا ءۇي جانۋارلارىنىڭ اراسىندا قۇتىرۋ كوبەيىپ بارادى. 6 ەلدى مەكەندە شەكتەۋ شارالارى ەنگىزىلدى, سونداي-اق جاقىن كۇندەرى تاعى ءۇش اۋىل كارانتينگە جابىدى, دەپ حابارلايدى Egemen.kz.
شال اقىن اۋدانى گورودەتسكي اۋىلدىق وكرۋگىنە قاراستى جالتىر اۋىلىندا ءيتتىڭ قۇتىرۋعا شالدىققانى تىركەلدى. يەلەرىنەن ساراپتاما الىنىپ, ۆاكتسينا ەگىلدى. اۋىلداعى مال باسى ەسەپكە الىنىپ, ءىرى-قاراعا دا جۇقپاعا قارسى ەكپە سالىنادى.
«اۋرۋ وشاقتارىندا زالالسىزداندىرۋ جۇمىستارى جۇرگىزىلدى. بارىنە ۋاقىتىمەن ۆاكتسينا ەگىلەدى. شەكتەۋ شارالارىنا بايلانىستى مامليۋت, اقجار, شال اقىن, مۇسىرەپوۆ, تيميريازەۆ, جۇماباەۆ اۋداندارىنداعى ىندەت وشاعى تىركەلگەن اۋىلداندان ەت-ءسۇت ونىمدەرىن شىعارۋعا تىيىم سالىندى. الدىن الا بولجام بويىنشا اۋرۋ جابايى اڭداردان كەلگەن. بىراق كوزبەن كورگەن ەشكىم جوق», دەيدى وبلىستىق ۆەتەريناريا باسقارماسى ءبولىمىنىڭ جەتەكشىسى قايىرلى قازانوۆ.
رەسمي مالىمەتتەرگە سۇيەنسەك, ءوڭىر بويىنشا 6 سيىر, 2 يت پەن مىسىقتان قۇتىرما اۋرۋى انىقتالعان.