سولتۇستىك قازاقستان وبلىسىنداعى تۇزەتۋ مەكەمەلەرىندە جازاسىن وتەپ جاتقاندار كوروناۆيرۋسقا قارسى ۆاكتسينا سالعىزۋدا, دەپ حابارلايدى Egemen.kz
سقو بويىنشا قىلمىستىق-اتقارۋ جۇيەسى دەپارتامەنتى ءباسپاسوز وكىلدەرىنىڭ مالىمەتىنشە, پەتروپاۆلداعى ەس-164\6 تۇزەتۋ مەكەمەسىندە جازاسىن وتەپ جاتقان ايەلدەرگە ۆاكتسينا سالىندى. بۇعان دەيىن, سوتتالعاندارعا رەسەيلىك «سپۋتنيك V» ۆاكتسيناسى سالىنسا, ەندى وتاندىق «QazVac» ۆاكتسيناسىنا تاڭداۋ ءتۇسىپتى.
«ۆاكتسيناتسيانىڭ ءبىرىنشى كومپونەنتىن الۋعا تىلەك بىلدىرگەن سوتتالۋشىلار الدىمەن تولىق مەديتسينالىق تەكسەرۋدەن ءوتتى. دەنساۋلىقتارىنىڭ دۇرىستىعىنا كوز جەتكىزگەننەن كەيىن تەراپەۆت دارىگەر ولاردى ۆاكتسينا الۋعا جىبەردى. ەكپە ەگۋ ەرىكتى تۇردە جۇرگىزىلەدى, باس تارتقاندار بولعان جوق. سونداي-اق, ۆاكتسيناتسيا جوسپارلى تۇردە جۇرگىزىلەدى», دەيدى سقو بويىنشا قاجد باستىعىنىڭ ورىنباسارى الەكساندر كوچكين.