بارلىق شاھارلار سياقتى پەتروپاۆل قالاسى دا «تۇرعىندار» جانە ء«وندىرىس» ايماعى بولىپ ەكىگە بولىنەدى. سوڭعى ءۇش كۇندە ء«وندىرىس» ايماعىنان ءۇش ۇرلىق جاسالعانى تىركەلگەن, دەپ حابارلايدى Egemen.kz.
ۇرلىقتىڭ ءبارى سىرتتان كەلگەندەر ەمەس, سول كاسىپورىنداردىڭ وزىندە جۇمىس ىستەيتىندەردىڭ قولىنان كەلگەنى بەلگىلى بولىپ وتىر. سىرتتان كەلگەن ۇرى ماشينادا سالۋلى تۇرعان اككۋمۋلياتور, اۆتوشينا سياقتى زاتتاردى بۇراندادان شەشىپ اكەتە المايدى. ويتكەنى بىردەن كوزگە تۇسەدى. ال سول جەردە جۇمىس ىستەيتىندەر جۇمىس ىستەپ جاتقان بولىپ تا ۇرلىق جاساي الادى. سونداي ۇرلىقتىڭ ءبىرى بويىنشا ارىز تۇسىرگەن جشس-نىڭ ءوندىرىس باسشىسى, وزدەرىندە جۇرگىزۋشى بولىپ ىستەيتىن 34 جاستاعى جىگىتتىڭ «كاماز» جۇك كولىگىنەن 40 مىڭ تەڭگە تۇراتىن ەكى رادياتوردى ۇرلاپ جاتقان جەرىندە ۇستالعانىن ايتقان. قازىر وسى جانە باسقا دا ۇرلىقتار قىلمىستىق كودەكستىڭ «ۇرلىق» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
ءوز كاسىپورنىنان ۇرلىق جاساۋ ادامداردىڭ ساناسىندا كەڭەستىك داۋىردەن قالعان جامان قىلىقتاردىڭ ءبىرى. ول كەزدەگى دۇنيەنىڭ ءبارى وكىمەتتىكى دەپ سانالاتىن, ال وكىمەت ناقتى يە ەمەس, جالپى يە بولعاندىقتان «قاعىپ كەتكەن» دۇنيە ەسەپتەن وڭاي شىعارىلىپ, ورنىنا باسقاسى قويىلاتىن. ال قازىر بارلىق دۇنيەنىڭ يەسى بار, قوجايىن ءوزىنىڭ ءاربىر مۇلكى ءۇشىن جانى شىرىلداپ جۇرەدى. سوندىقتان دا ۇرلىق جاساعانداردى وڭاي ۇستايدى.
پەتروپاۆل