بىلتىر تۇرعىنداردىڭ شاعىمىنان كەيىن سالىنعان جاڭا اسفالت قايتادان جارامسىز بولىپ قالدى, دەپ حابارلايدى Egemen.kz قازاقپاراتقا سىلتەمە جاساپ.
الاتاۋ اۋدانىنىڭ تۇرعىندارى بۇزىلعان اسفالتتىڭ ۆيدەوسىن الەۋمەتتىك جەلىدە جاريالادى.
الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ حابارلاۋىنشا, الاتاۋ اۋدانىنىڭ اۋماعىندا سۋ قۇبىرى جانە كارىز جەلىلەرىن تارتۋ جونىندەگى شارتتىڭ تالاپتارىن ورىنداماعان «ساپا قۇرىلىس» جشس مەملەكەتتىك ساتىپ الۋدىڭ جوسىقسىز قاتىسۋشىلارى تىزىلىمىنە ەنگىزىلۋى مۇمكىن.
الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ تاپسىرىسىمەن جۇرگىزىلگەن «شاڭىراق-1» شاعىن اۋدانىنداعى سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى بويىنشا باستالعان جۇمىستار بارىسىندا جاۋاپتى تۇلعالاردىڭ سالعىرتتىعىنان قۇرىلىس بريگاداسى كوكوراي كوشەسىنىڭ اسفالت جابىنىن ءبۇلدىرىپ تاستاعان.
جوباعا سايكەس, بۇل كوشەدە ەشقانداي قازۋ جۇمىسى جۇرگىزىلمەۋى ءتيىس.
قازىرگى ۋاقىتتا جشس 505-باپتىڭ 1-بولىگى «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ» بويىنشا اكىمشىلىك جاۋاپكەرشىلىككە تارتىلدى.
قۇرىلىس كومپانياسىنا ءوز قاراجاتى ەسەبىنەن قىسقا مەرزىمدە جول توسەمىن قالپىنا كەلتىرۋ قاجەتتىلىگى تۋرالى شاعىم جىبەرىلدى.