بۇگىن پولشادا وتكەن جاتقان الەم بىرىنشىلىگىنىڭ فينالدىق سايىسىندا قازاقستاننىڭ قوس ارۋى ونەر كورسەتەدى, دەپ حابارلايدى Egemen.kz.
فينالدا ءبىزدىڭ قىزدار ءۇندىستاننىڭ وكىلدەرىمەن قولعاپ ءتۇيىستىردى. اتاپ ايتساق, 60 كيلو سالماق دارەجەسىندەگى جۇلدىز شاياحمەتوۆا ۆينكامەن, ال 75 كيلو سالماقتاعى دانا ديداي ساناما چانۋ توكچوممەن قولعاپ تۇيىستىرەدى. ال جارتىلاي فينالدىق مەجەدە سۇرىنگەن جاسمين قيزاتوۆا (69 كيلو), اسەل ساعاتوۆا (81 كيلو) جانە ەلدانا ءتالىپوۆا (+91 كيلو) سىندى بۇرىمدىلارىمىز قولا مەدالدى قاناعات تۇتتى.
فينالعا ەڭ كوپ جولداما العان كوماندا ءۇندىستان قۇراماسى. ءۇندى ەلىنىڭ جەتى سۇلۋى باس جۇلدە ءۇشىن تالاسادى. رەسەيدىڭ ءۇش سپورتشىسى ءدال سونداي قۇرمەتكە يە بولىپ وتىر. قازاقستاننان بولەك, پولشا مەن وزبەكستاننىڭ دا ەكى بوكسشىسى اقتىق سىندا ايقاسادى. سونداي-اق, تۇركيا, مولدوۆا, فرانتسيا جانە ۋكراينادان ءبىر-ءبىر بوكسشى وسى مەجەگە دەيىن جەتتى.