بالقاشتا جول اپاتىنان پوليتسيا قىزمەتكەرى كوز جۇمدى

15 ءساۋىر تاڭعى 06.40-تا «ەكاتەرينبۋرگ-الماتى» تاس جولىندا بالقاش قالاسىنان قاراعاندى قالاسىنا كەلە جاتقان جولدىڭ 45 شاقىرىمىندا, 41 جاستاعى ازاماتتىڭ باسقارۋىنداعى «Volvo» جۇك كولىگى مەن 33 جاستاعى وبلىستىق پاترۋلدىك پوليتسيا باتالونى ينسپەكتورىنىڭ باسقارۋىنداعى «Kia Rio» اۆتوكولىكتەرى سوقتىعىسقان.

جول-كولىك وقيعاسى كەزىندە دەنە جاراقاتتارىن العان كولىكتىڭ جولاۋشىسى, قىزمەت بابىندا جۇرگەن وبلىستىق پاترۋلدىك پوليتسيا باتالونىنىڭ ينسپەكتورى, 46 جاستاعى حايدار ورازباەۆ كوز جۇمسا, كولىكتىڭ جۇرگىزۋشىسى اۋرۋحاناعا جەتكىزىلگەن.

«قاراعاندى وبلىسى ىشكى ىستەر ورگانىنىڭ باسشىلىعىمەن جەكە قۇرامى قايتىس بولعان ارىپتەسىمىزدىڭ تۋعان-تۋىستارىمەن جاقىندارىنىڭ قايعىسىنا ورتاقتاسىپ, كوڭىل ايتادى. پوليتسيا اعا لەيتەنانتى حايدار ورازباەۆ ىشكى ىستەر ورگانىندا 1995 جىلدىڭ قىركۇيەك ايىنان باستاپ قىزمەت اتقاردى. ۇيلەنگەن. ءتورت بالا تاربيەلەگەن», دەپ حابارلادى قاراعاندى وبلىسىنىڭ پد ءباسپاسوز قىزمەتى.

اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 345 بابى 3 تارماعىنا سايكەس قىلمىستىق ءىس قوزعالدى. ءتيىستى ساراپتامالار تاعايىندالىپ, تەرگەۋ امالدارى جۇرگىزىلۋدە.