سقو-دا قالتافون ۇرلىعى ءورشىپ تۇر. سوڭعى ءۇش ايدا عانا وبلىس بويىنشا وسىنداي 99 ۇرلىق تىركەلدى. بۇل قىلمىستىڭ اشىلۋى ازىرگە 78%-دان جوعارى.
بۇل قىلمىس اسىرەسە جاستار اراسىندا ءورىس العان. ماسەلەن, جۋىردا پوليتسيا بولىمىنە قالاداعى كوللەدجدەردىڭ ءبىرىنىڭ 21 جاستاعى ستۋدەنتى جۇگىنگەن. ول «Samsung» ۇيالى تەلەفونىنىڭ ۇرلانعانىن ايتقان. شىعىن 55 تەڭگەنى قۇرايدى. جەدەل ۋاكىلدەر بىرەر كۇن بۇرىن قالانىڭ شەتكى اۋداندارىنداعى ءدامحانالاردىڭ بىرىندە جابىرلەنۋشىمەن بىرگە الكوگولدىك ىشىمدىك ىشكەن ءجۇرىسى سۇيىق 26 جاستاعى قالالىققا كۇدىكتەنەدى. اقىرى, كۇدىك راسقا اينالىپ, ول تانىسىنىڭ مۇلكىن ماس بولىپ قالىپ ۇرلاعانىن ايتقان. اتالعان فاكتى قىلمىستىق كودەكستىڭ 188-بابى - «ۇرلىق» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. ۇرلانعان زاتتىڭ قايدا ەكەنىن انىقتاۋ ءۇشىن پوليتسەيلەرمەن شارالار قابىلداۋدا. «قالتافوندار كوبىنە بىرگە الكوگولدىك ىشىمدىكتەر ءىشۋ بارىسىندا ۇرلانىپ جاتادى. الكوگولدىك ماسايۋ ادام ساۋ كەزىندە جاسامايتىن تەرىس قىلىقتاردى جاساۋعا سەبەپ بولادى», - دەيدى ەكىنشى پب باستىعى پوليتسيا پودپولكوۆنيگى رۋسلان سىزدىقوۆ.