سولتۇستىك قازاقستان وبلىسىندا «ماس جۇرگىزۋشى – قىلمىسكەر» جەدەل-الدىن الۋ ءىس-شاراسى ءوتىپ, ناتيجەسىندە 5 كۇننىڭ ىشىندە كولىكتى ماس كۇيدە باسقارعان 26 جۇرگىزۋشى ۇستالدى, دەپ حابارلايدى Egemen.kz
سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ءتارتىپ ساقشىلارى پەتروپاۆلداعى جۇماباەۆ-اباي كوشەلەرىنىڭ قيىلىسىندا تۇنگى ساعات 3.00 شاماسىندا تەكسەرۋ ءۇشىن ۆاز-2110 اۆتوكولىگىن توقتاتقان. كولىكتى باسقارعان وبلىس ورتالىعىنىڭ تۇرعىنى 21 جاساعى ەر ادامنان الكوگولدىڭ ءيىسى شىعىپ تۇرعان. مەديتسينالىق كۋالاندىرۋ ونىڭ ماستىعىن راستادى.
ەر ادامنىڭ ايتۋىنشا, وعان شۇعىل اقشا كەرەك بولىپ, بانكوماتقا بارۋ ءۇشىن رولگە وتىرعان. جىگىت دوستارىمەن پاتەر جالداپ, كوڭىل كوتەرگەن. وتىرىس قىزعان شاقتا داستارحاندى تولتىرۋ ءۇشىن ازىق-ت ۇلىك جەتكىزۋگە تاپسىرىس بەرمەك بولعان. ەندى ول كولىكتى ماس كۇيدە باسقارعانى ءۇشىن اكىمشىلىك قاماۋعا الىنىپ, 7 جىلعا دەيىن كولىكتى جۇرگىزۋ قۇقىعىنان ايىرىلۋى مۇمكىن.
«26-31 ناۋرىز ارالىعىندا وبلىس اۋماعىندا «ماس جۇرگىزۋشى – قىلمىسكەر» جەدەل-الدىن الۋ ءىس-شاراسى ءوتىپ جاتىر. وپەراتسيانى وسىلايشا اتاۋىمىز بەكەر ەمەس. ويتكەنى ماس كۇيدە كولىك باسقارعان جۇرگىزۋشى ءوز ومىرىنە عانا ەمەس, جول قوزعالىسىنىڭ باسقا دا قاتىسۋشىلارىناقاۋىپ توندىرەدى. ءىس-شارانىڭ ماقساتى – جولداعى اپاتتاردى ازايتۋ. تەك سوڭعى بەس كۇندە پوليتسەيلەر رولگە ماس كۇيدە وتىرعان 26 جۇرگىزۋشىنى ۇستادى», دەيدى سقو پد جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.
وپەراتسيا باستالعالى وبلىستا 2,5 مىڭعا جۋىق ءتۇرلى قۇقىق بۇزۋشىلىق انىقتالعان. ونىڭ 236-سى جىلامدىقتى اسىرۋعا, 80-ءى مانەۆر جاساۋعا, 38-ءى باعدارشامنىڭ رۇقسات ەتىلمەگەن بەلگىسىنە وتۋگە بايلانىستى.