سان-ديەگو قالاسىندا 71 جاستاعى كولىك جۇرگىزۋشىسى جاياۋ جۇرگىنشىلەردى قاعىپ كەتتى. وقيعا سالدارىنان 3 ادام قايتىس بولدى, دەپ حابارلايدى Egemen.kz Associated Press اقپارات اگەنتتىگىنە سىلتەمە جاساپ.
اگەنتتىكتىڭ حابارلاۋىنشا, جالپى توعىز ادام زارداپ شەككەن. ولاردىڭ ەكەۋى اۋىر حالدە اۋرۋحاناعا جاتقىزىلعان, 3 ادام قايتىس بولدى.
جەرگىلىكتى پوليتسيا كولىك جۇرگىزۋشىسىن ۇستادى. ول 71 جاستاعى ەر ادام بولىپ شىقتى. جۇرگىزۋشى كولىكتى ماس كۇيىندە جۇرگىزگەن دەگەن بولجام ايتىلدى. وقيعا ورىن العان اۋداندا جەرگىلىكتى ۋنيۆەرسيتەتتەردىڭ ءبىرى ورنالاسقان.