وبلىستىق پوليتسيا دەپارتامەنتى ءباسپاسوز قىزمەتىنىڭ مالىمدەۋىنشە, بۇگىن ساعات 08:00 شاماسىندا ەكىباستۇز قالاسىنىڭ ساتباەۆ كوشەسىندەگى ءۇيدىڭ اۋلاسىندا بەلگىسىز بىرەۋ ەر ادامعا بەلگىسىز قارۋدان وق اتقان. ەر ادام العان جاراقاتىنان وقيعا ورنىندا قايتىس بولعان, دەپ حابارلايدى Egemen.kz
«23 اقپان كۇنى ساعات 08:00-08:10-دە ەكىباستۇزداعى ساتباەۆ كوشەسىندەگى ءۇيدىڭ اۋلاسىندا بەلگىسىز بىرەۋ ەر ادامعا اتىس قارۋىنان وق اتتى. ەر ادام العان جاراقاتى سالدارىنان وقيعا ورنىندا كوز جۇمدى. اتالعان فاكتى بويىنشا قر قىلمىستىق كودەكسىنىڭ 99-بابىنىڭ 1-بولىمىنە سايكەس سوت الدىنداعى تەرگەۋ امالدارى باستالدى. قىلمىس جاساۋدا كۇدىكتى تۇلعانى انىقتاۋعا باعىتتالعان جەدەل-ىزدەۋ شارالارى وتكىزىلىپ جاتىر», دەپ حابارلادى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ.