الماتى قالاسىندا قۋات حاميتوۆتىڭ سوت پروتسەسى ءالى دە جالعاسىپ جاتىر, دەپ حابارلايدى Egemen.kz
«قۇرمەتتى سوت, مەن ءۇشىن ەڭ ماڭىزدى ماسەلە شەتەلگە شىعۋعا مۇمكىندىگىمنىڭ بولۋى. سەبەبى مەن ەلىمنىڭ نامىسىن قورعاپ ءجۇرمىن. جازام قانداي بولسا دا, كونەمىن. تەك شەتەلگە شىعا السام بولدى. مەنىڭ العا قويعان ماقساتىم كوپ», دەپ سوڭعى ءسوزىن ايتتى.
سوت ۇكىمى بۇگىن ساعات 14:30-دا جاريالانادى.
ەسكە سالا كەتسەك, وتكەن جىلدىڭ قىركۇيەك ايىندا مما ۇيىمىندا ونەر كورسەتىپ جۇرگەن قازاقستاندىق قۋات حاميتوۆ الەۋمەتتىك جەلىلەردەگى زورلىق-زومبىلىققا شاقىرعان ۆيدەوسىنا بايلانىستى الماتى پوليتسيا دەپارتامەنتىنە جەتكىزىلگەن بولاتىن.
ول قر قك 272-بابىنىڭ 3-بولىگىندە كوزدەلگەن قىلمىستىق قۇقىق بۇزۋشىلىق جاسادى دەپ كۇدىككە ىلىنگەن (بيلىك وكىلدەرىنىڭ زاڭدى تالاپتارىنا جانە جاپپاي تارتىپسىزدىكتەرگە بەلسەندى باعىنباۋعا شاقىرۋ, نە جاپپاي تارتىپسىزدىكتەرگە ارانداتۋ, سول سياقتى ازاماتتارعا زورلىق-زومبىلىق جاساۋعا شاقىرۋ).
ايتولقىن مىرزاكاريم