الجير مەن ماروككو تەرريتورياسىنداعى شولدە قار جاۋدى, دەپ حابارلايدى Egemen.kz
ەكى اراب مەملەكەتىنىڭ مەتەورولوگيالىق قىزمەتتەرى حابارلاعانداي, قاڭتار ايىندا تۇسكەن قاردىڭ كوپ مولشەرى الجير مەن ماروككونىڭ بىرقاتار ايماعىندا ءالى كۇنگە دەيىن قالىپ وتىر.
ناتيجەسىندە, ءشولدىڭ كەڭ اۋماقتارى قارلى بوراندار مەن مۇزداعان كولدەرى بار اق كەڭىستىككە اينالدى.
ەكى ەلدىڭ تاۋلى ايماقتارىندا جىل سايىن قار جاۋىپ, ادەتتە كوكتەم باستالعانعا دەيىن قار تاۋ بوكتەرى مەن شىڭدارىندا بولاتىن. الايدا, بۇل جولى جاۋىن-شاشىن مول بولىپ وتىر.
ايتا كەتسەك, قار ساحارانىڭ كەيبىر جەرلەرىنە دە جەتكەن. سولتۇستىك افريكالىق قىستىڭ ەكزوتيكالىق كورىنىستەرىن تاماشالاۋ ءۇشىن كۇندەلىكتى تۋريستەر مەن فوتوگرافتار كەلىپ جاتىر.
ايتولقىن مىرزاكەريم