الماتىدا قالالىق ءماسليحاتتىڭ حاتشىسى سايلاندى

ستانيسلاۆ كانكۋروۆ بۇعان دەيىن Nur Otan پارتياسى الماتى قالالىق فيليالى توراعاسىنىڭ ءبىرىنشى ورىنباسارى قىزمەتىن اتقارعان. ونىڭ پارتياداعى جۇمىسى كەزىندە ازاماتتاردىڭ 100 مىڭنان استام ءوتىنىشى قارالىپ, 70 مىڭنان استام وتباسىنا قايىرىمدىلىق كومەك كورسەتىلدى. ەڭبەك جولىن 2005 جىلى قاراپايىم مامان رەتىندە باستاپ, د. قوناەۆ اتىنداعى ۋنيۆەرسيتەتتى زاڭ, ال لومونوسوۆ (MBA) اتىنداعى ۋنيۆەرسيتەتتى ەكونوميكا ماماندىعى بويىنشا ءتامامدايدى. مەملەكەتتىك ءتىلدى جەتىك مەڭگەرگەن. 2011 جىلدان باستاپ الماتى قالاسىنداعى Nur Otan پارتياسىندا باسشىلىق قىزمەتتەر اتقارعان. سونداي-اق سەسسيا بارىسىندا Nur Otan قالالىق سايلاۋالدى باعدارلاماسى مەن «الماتى-2050» ستراتەگياسىنا نەگىزدەلگەن 5 جىلعا ارنالعان اۋماقتى دامىتۋ باعدارلاماسى بەكىتىلدى.

2021 جىلعى 10 قاڭتارداعى سايلاۋ قورىتىندىسى بويىنشا الماتى قالالىق ءماسليحاتىنا ءتورت ساياسي پارتيا ءوتتى. ونىڭ ىشىندە: «Nur Otan» پارتياسى ءماسليحاتتا 29 دەپۋتاتتىق ماندات, «اق جول» - ءتورت, «اۋىل» جانە «قازاقستاننىڭ حالىق پارتياسى» - ءۇش ماندات الدى.

ءماسليحاتتىڭ تۇراقتى كوميسسيالارىنىڭ سانى دا جاڭاردى. ەگەر بۇرىن ولاردىڭ سانى 6 بولسا, قازىر 7 تۇراقتى كوميسسيا قۇرىلدى. قالا اكىمىنىڭ ۇسىنىسى بويىنشا ەكولوگيا, تۋريزم جانە قوعامدىق كەڭىستىكتى دامىتۋ ماسەلەلەرى جونىندەگى كوميسسيا قوسىلدى. ستراتەگيالىق جوسپارلاۋ, بيۋدجەت جانە تيىمدىلىك جونىندەگى كوميسسيانى اسقار بىلىسبەكوۆ, كولىك جانە كوممۋنالدىق ينفراقۇرىلىمدى دامىتۋ جونىندەگى كوميسسيانى ەسەنگەلدى تالبيدينوۆ باسقاردى. قالا قۇرىلىسى, تۇرعىن ءۇي جانە جەردى پايدالانۋ جونىندەگى كوميسسيا ماكسيم فينوگەنوۆ. ارمانجان بايتاسوۆ كاسىپكەرلىكتى, يننوۆاتسيالاردى, اقپاراتتىق تەحنولوگيالاردى جانە كرەاتيۆتى يندۋستريانى دامىتۋ جونىندەگى كوميسسيانى باسقاردى. سونداي-اق, جەرگىلىكتى مەملەكەتتىك باسقارۋ جانە قاۋىپسىزدىك ماسەلەلەرى جونىندەگى كوميسسيانى راحات شيماشەۆا, الەۋمەتتىك-مادەني دامۋ, جاستار جانە قوعامدىق كوممۋنيكاتسيالار جونىندەگى كوميسسيانى ارمان جۇدەباەۆ باسقاردى. ەكولوگيا, تۋريزم جانە قوعامدىق كەڭىستىكتى دامىتۋ ماسەلەلەرى جونىندەگى جاڭا كوميسسيانى ازاماتتىق سەكتور وكىلى التىناي كوبەەۆا باسقاردى.

الماتى قالاسى ءماسليحاتىنىڭ تاريحىندا العاش رەت دەپۋتاتتىق مانداتتار ءتورت پارتياعا ءبولىندى. دەپۋتاتتىق قۇرام 70 پايىزعا جاڭاردى. ءماسليحات حاتشىسى ستانيسلاۆ كانكۋروۆ ءماسليحاتتىڭ ەڭ جاس باسشىسى بولىپ, ال «Nur Otan» پارتياسىنىڭ دەپۋتاتتىق فراكتسياسىن العاش رەت ايەل ادام - «وتباسىبانك تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا جەتەكشىلىككە الدى.