ءال-فارابي اتىنداعى قازۇۋ اۋماعىنىڭ ءبىر گەكتارعا جۋىعى قىسقارىپ كەتتى دەپ جۋىردا ماسەلە كوتەرگەن زاڭگەر باقىتجان بازاربەكتىڭ ماقالاسىنان كەيىن كوپشىلىكتى ەلەڭ ەتكىزگەن داۋ تۋدى.
زاڭگەر ب.بازاربەك: «الماتى قالاسى اكىمىنىڭ ءار جىلدارى قابىلدانعان «قازاقستان رەسپۋبليكاسى ءبىلىم جانە عىلىم مينيسترلىگىنىڭ ءال-فارابي اتىنداعى قازاق ۇلتتىق ۋنيۆەرسيتەتى» شجق رمك جەر ۋچاسكەسىنە تۇراقتى جەر پايدالانۋ قۇقىعىن بەرۋ تۋرالى 2 ءتۇرلى قاۋلىسى بار» دەي كەلە «№1-1/294 ءنومىرلى ءبىرىنشى قاۋلى 2012 جىلعى 30 قاڭتاردا, ال №4/392-2236 ءنومىرلى ەكىنشى قاۋلى 2017 جىلعى 2 قازاندا قابىلدانعانىن» جازادى. اكىم احمەتجان ەسىموۆ قول قويعان 2012 جىلعى 30 قاڭتارداعى № 1-1/294 قاۋلىعا سايكەس 2012 جىلى ءال-فارابي اتىنداعى قازۇۋ جەر ۋچاسكەسىنىڭ اۋماعى 73,2662 گەكتاردى قۇراعان. ال 2017 جىلعى قاۋلىدا ((№4/392-2236) جەر اۋماعى – 72,4872 گەكتار, ال ۋنيۆەرسيتەتكە تيەلىسى جەر – 71,4220 گەكتار دەپ كورسەتىلەدى. ەگەر كاداسترلىق ءنومىرى 20-313-009-014 بولاتىن جەر ۋچاسكەسىن نازارعا الساق, ۋنيۆەرسيتەت اۋماعى 73,2662 گەكتاردان 72,4872 گەكتارعا قالاي قىسقاردى؟ وسىنداي ساۋال تاستاعان زاڭگەر ب.بازاربەك بۇل ىستە ماسەلەگە الماتى اكىمدىگى مەن وقۋ ورنى باسشىلىعىنىڭ قاتىسى بار دەپ وتىر.
وسى ورايدا ۋنيۆەرسيتەتتىڭ ءبىرىنشى پرورەكتورى م.بۇركىتباەۆتىڭ 2017 جىلى 1 تامىزدا قالانىڭ سول كەزدەگى اكىمىنە جازعان №9-9-2362 حاتىن كولدەنەڭ تارتادى. بۇل حاتتا پرورەكتور قازۇۋ قالاشىعىن بۇدان بۇرىن ورىن العان وزگەرتۋلەرگە بايلانىستى تۇزەتۋدى سۇرايدى. «سوندا ول قانداي وزگەرىستەر بولدى؟» دەپ ساۋال تاستاعان ب.بازاربەك جەر كودەكسىنىڭ 39-بابىنىڭ 2-تارماعىنا سايكەس مەملەكەتتىك جەر پايدالانۋشىلارعا وزىنە تيەسىلى جەر پايدالانۋ قۇقىعىن يەلىكتەن شىعارۋعا جانە كەپىلگە بەرۋگە تىيىم سالىناتىنىن اتاپ وتەدى.
«2017 جىلى جەرگە ورنالاستىرۋ جوباسى بولعانى جانە ول قازۇۋ مەن الماتىنىڭ جەر قاتىناستارى باسقارماسىندا بەكىتىلگەنىنە كۇمانىم جوق. ال قاۋلى جەرگە ورنالاستىرۋ جوباسىنسىز شىعارىلمايدى, سايكەسىنشە جەرگە ورنالاستىرۋ جوباسىنا دەيىن ماسەلەنى اكىمدىكتىڭ جەر كوميسسياسى ارقىلى وتكىزىپ, جەر كوميسسياسىنىڭ حاتتامالىق شەشىمى شىعارىلدى», دەيدى ءوز جازباسىندا زاڭگەر ب.بازاربەك.
وسى ورايدا تۋىنداعان ماسەلەگە وراي ۋنيۆەرسيتەتتىڭ ءباسپاسوز قىزمەتى تاراتقان جاۋاپتىڭ تولىق ءماتىنىن ۇسىنۋدى ءجون كورىپ وتىرمىز: «كەيىنگى ۋاقىتتا ءال-فارابي اتىنداعى قازۇۋ-عا قاتىستى جەكە تۇلعالار تاراپىنان ماقساتتى تۇردە اقپاراتتىق شابۋىل جاسالۋدا. اتاپ ايتقاندا, YouTube ينتەرنەت-رەسۋرسىندا بەلگىسىز تۇلعا «روككي بالبو» دەگەن لاقاپ اتپەن قازۇۋ باسشىلىعى ۋنيۆەرسيتەتتىڭ جەر ۋچاسكەلەرىن جەكە تۇلعاعا ساتىپتى-مىس دەگەن بەينە-حابارلاما جاريالاعان. سودان كەيىن بۇل ماتەريالدى م.كازاچكوۆ ءوزىنىڭ Telegram كانالىندا تاراتا باستادى. وسى تاقىرىپتا بلوگەر ب.بازاربەك Facebook الەۋمەتتىك جەلىسىندە پوست جاريالادى. وسىلايشا, ۋنيۆەرسيتەت پەن ونىڭ باسشىلىعىنىڭ بەدەلىن تۇسىرۋگە باعىتتالعان جاعىمسىز پىكىرلەرمەن جاعدايدى ماقساتتى تۇردە ۋشىقتىرۋ بەلەڭ الۋدا.
وسى رەتتە كوتەرىلىپ جاتقان جەر ماسەلەسىنە قاتىستى تۇسىنىكتەمە بەرۋدى قاجەت دەپ سانايمىز. بىرىنشىدەن, ۋنيۆەرسيتەت پەن قازۇۋ-دىڭ لاۋازىمدى تۇلعالارى جەر ۋچاسكەسىنىڭ ءبىر بولىگىن ءۇشىنشى تۇلعالاردىڭ پايداسىنا يەلىكتەن شىعارۋ جونىندە كەلىسىم بەرگەن جوق جانە جەر ۋچاسكەسىن باسقا تاسىلمەن بولۋگە قاتىسقان جوق. ايتا كەتەرلىك جايت, بارلىق م ۇلىك پەن جەر مەملەكەتتىك اكتيۆ بولىپ تابىلادى, سايكەسىنشە جوو-دا ولاردى يەلەنۋ, پايدالانۋ جانە بيلىك ەتۋ قۇقىعى جوق. ەكىنشىدەن, جەر كودەكسىنىڭ 43, 44-1 جانە 48-باپتارى, سونداي-اق «مەملەكەتتىك م ۇلىك تۋرالى» زاڭنىڭ 4-بابىنىڭ 1-تارماعى مەملەكەتتىك م ۇلىكتى, ونىڭ ىشىندە جەر ۋچاسكەلەرىن باسقارۋ, بەرۋ/ساتۋ سالاسىنداعى مەملەكەتتىڭ قۇقىقتارى مەن مىندەتتەرىن بەلگىلەيدى. جوعارىدا اتالعان زاڭداردىڭ باپتارىندا شەشىمدەر قابىلداۋ ءتارتىبى زاڭنامالىق تۇردە ايقىندالعان, سونداي-اق مەملەكەتكە تيەسىلى م ۇلىك پەن جەرگە قاتىستى كەز كەلگەن جەكە-دارا شەشىم قابىلداۋ ءتارتىبى الىنىپ تاستالعان. دەمەك, ۋنيۆەرسيتەت باسشىلىعى ءوز قالاۋى بويىنشا مەملەكەتتىك م ۇلىك پەن جەردى بەرۋدى جەكە-دارا جۇزەگە اسىرا المايدى. ۇشىنشىدەن, ءال-فارابي اتىنداعى قازۇۋ باسشىلىعى 2017 جىلى جەر ۋچاسكەلەرىن يەلىكتەن شىعارۋ جونىندەگى جەرگە ورنالاستىرۋ جوباسىن ازىرلەمەگەن, بەكىتپەگەن جانە وعان ەشبىر تۇردە قاتىسپاعان. وسىلايشا, الەۋمەتتىك جەلىلەردەگى قازۇۋ باسشىلىعىنىڭ جەر ۋچاسكەلەرىن بەرۋگە قاتىسى بار دەگەن جاريالانىمدار شىندىققا سايكەس كەلمەيدى جانە ونىڭ بەدەلىن تۇسىرۋگە باعىتتالعان. جوعارىدا ايتىلعاندارعا بايلانىستى قازىرگى ۋاقىتتا قۇقىق قورعاۋ ورگاندارىنا شارالار قابىلداۋ تۋرالى ءوتىنىش جولداندى».
بۇل ماسەلەگە وراي الەۋمەتتىك جەلىدە ەكونوميست-ساراپشى د.كريۆوشەەۆ تە ءۇن قوستى. ول زاڭگەر ب.بازاربەك بۇل ماسەلەنى كوتەرمەستەن بۇرىن ساۋالدى اتالعان ۋنيۆەرسيتەت باسشىلىعىنا جولداۋى قاجەت ەدى دەپ سانايدى.
ب.بازاربەك كوتەرىپ وتىرعان جەر ماسەلەسى 2016-2017 جىلدارى ورىن العان. ول كەيبىر قاۋلىمەن راستالادى. دەگەنمەن قۇجاتتاردان تۋىنداعان ساۋالعا وراي ناقتى جاۋاپ تابۋ مۇمكىن ەمەس. تىپتەن زاڭداردىڭ ءوزى تالداۋدى قاجەت ەتەدى. ال نورماتيۆتىك قۇجاتتار مەن تۇسىنىكتەمەلەردىڭ قوسىمشا بەرىلىپ جاتاتىنى سوندىقتان. وسى ماسەلەنى كوتەرە وتىرىپ د.كريۆوشەەۆ زاڭگەردىڭ قوعامدا بەلگىلى ءبىر كوزقاراس قالىپتاستىرۋدى كوزدەيتىنىن ءارى بۇل جاعدايدا قۇجاتتاردىڭ جالعاندىعىن, وعان وقۋ ورنىنىڭ قاتىسى جوق ەكەنىن ايتىپ وتىر. ويتكەنى بىردە-ءبىر قۇجاتتا وقۋ ورنىنىڭ ءمورى, سەنىم حاتتاردىڭ كوشىرمەسى كورسەتىلمەگەن.
د.كريۆوشەەۆ وسى ورايدا ب.بازاربەكتىڭ باستى كوزىرىن كەيىنگە قالدىرعانىن ايتادى. ياعني داۋلى ماسەلە تۋىنداعاننان كەيىن بارىپ 2017 جىلى 1 تامىزدا جازىلعان ۋنيۆەرسيتەتتىڭ ءبىرىنشى پرورەكتورى م.بۇركىتباەۆتىڭ حاتىن جاريالاعان. وندا وقۋ ورنىنىڭ وكىلى ەنگىزىلگەن وزگەرىستەرگە بايلانىستى ۋچاسكەنىڭ شەكاراسىن تۇزەتۋدى سۇرايدى. وسى ورايدا د.كريۆوشەەۆ ۋچاسكەنى وزگەرتۋ تۋرالى اكىمنىڭ 2017 جىلى 2 قازاندا جازىلعان قاۋلىسىندا قاتەلىكتەردىڭ بار ەكەنىن ايتا كەلە بۇل حاتتىڭ ۋنيۆەرسيتەتكە قاجەت نەمەسە اكىمدىكتىڭ سۇراۋى بويىنشا دا جازىلۋىمەن بايلانىستى بولۋى مۇمكىن دەيدى. سوندىقتان ءدال وسى حات ورىن الىپ وتىرعان جاعدايعا سەبەپ بولعان.
زاڭگەر ب.بازاربەك سونىمەن بىرگە ءال-فارابي اتىنداعى قازۇۋ ۇسىنعان كاداسترلىق ءنومىرى 20-313-009-014 جەر ۋچاسكەسى شەكاراسىنىڭ كونتۋرىندا ءارتۇرلى ماقساتتى رەجىمدەرى مەن كاداسترلىق نومىرلەرىمەن 3 ءتۇرلى جەر ۋچاسكەسى بار ەكەنىن العا تارتادى. وندا كاداسترلىق ءنومىرى 20-313-009-039 پايدالانۋ جانە قىزمەت كورسەتۋ ءۇشىن شاشتاراز جالپى ۇلەستىك مەنشىك; كاداسترلىق ءنومىرى 20-313-009-032 جالپى مەنشىكتەگى دۇكەندى پايدالانۋ; كاداسترلىق ءنومىرى 20-313-009-037 حالىققا قىزمەت كورسەتۋ عيماراتىن جەكەمەنشىكتە پايدالانۋ ءۇشىن دەپ كورسەتىلگەن.
بۇل جەر ۋچاسكەلەرى جەكەمەنشىككە قالاي جانە قاشان ءوتتى؟ وسى ورايدا «ۋنيۆەرسيتەت اۋماعىنىڭ 0,8 گا قىسقارىپ كەتۋىنە 2017 جىلى ورىن العان قانداي جاعدايلار سەبەپ بولۋى مۇمكىن؟ بۇل ماسەلەگە ءتيىستى ورىندار نەگە كەزىندە نازار اۋدارماعان؟ تىپتەن, قالا اكىمىنىڭ سول جىلعى قاۋلىسىن زاڭسىز دەپ تابۋ جونىندە دە ماسەلە نەگە كوتەرىلمەدى؟» دەگەن ساۋالدارعا ادىلدىك ورگاندارى ادىلەتتى جاۋابىن ايتادى دەپ سەنگىمىز كەلەدى.
ال بىرنەشە بۋىن ءبىلىم العان قارا شاڭىراققا قاتىستى داۋلى ماسەلە ارينە كوپشىلىكتىڭ نازارىن اۋداردى. بەدەلى بيىك جوعارى وقۋ ورنىنىڭ اۋماعىنا قاتىستى تۋىنداعان قايشىلىقتى ماسەلەدە ءتيىستى ورىندار انىقتايتىن جايتتىڭ باسى اشىق دەسەك تە, تۇيتكىل كوپ سياقتى.
الماتى