قازىرگى ساتتە الماتى كوشەلەرىن 2 مىڭعا جۋىق جۇمىسشى قاردان تازارتۋدا, دەپ حابارلايدى Egemen.kz.
الماتى قالاسىندا 13 قاڭتاردا ساعات 04.30-دان باستاپ قار جاۋا باستادى. قار جاۋا باستاعان ساتتەن كوكتايعاقتىڭ الدىن الۋ ءۇشىن جولدارعا, قيىلىستارعا, جولايرىقتارىنىڭ كىرە بەرىستەرىنە مۇزدى ەرىتەتىن ماتەريالدار سەبىلدى, تۇسكەن قار بىردەن سىپىرىلىپ, تازارتىلدى. كوكتايعاققا قارسى 2650 م3 مۇزعا قارسى ماتەريالدار قولدانىلدى.
تروتۋارلاردى, جاياۋ جۇرگىنشىلەر ايماقتارىن, قوعامدىق كولىك ايالدامالارىن, اۆتوتۇراق «قالتالارىن», جەر ءۇستى وتكەلدەرىن, ساياباقتار مەن سكۆەرلەردى قاردان تازارتۋ جۇمىستارى ءجۇرىپ جاتىر.
تاۋلى, تاۋ بوكتەرىندە اۋداندارداى, سونداي-اق جاياۋ جۇرگىنشىلەر ايماقتارىندا جاۋعان قار بىردەن سىرتقا شا شىعارىلۋدا.
تاڭعى «قاربالاس ساعاتتا» قار تازالاۋ جۇمىستارى اياقتالعان سوڭ ساعات 9. 00-دەن باستاپ جول پوليتسياسى پاترۋلدىك ماشينالارىنىڭ ەرىپ جۇرۋىمەن قار تازالايتىن كولوننالار ۇيىمداستىرىلدى.قالادا قار تازالاۋ جۇمىستارىنا 630 ارنايى تەحنيكا بىرلىگى, ونىڭ ىشىندە 234 قۇم لاقتىرعىش, 1907 جول جۇمىسشىسى جۇمىلدىرىلدى. اۋداندار اكىمدىكتەرى مەن قالا اكىمدىگىندە قار تازالاۋ جۇمىستارىن تاۋلىك بويى باقىلايتىن كەزەكشىلىكتەر ۇيىمداستىرىلعان.قازگيدرومەتتىڭ بولجاۋى بويىنشا بۇگىن اۋا تەمپەراتۋراسى كۇندىز مينۋس 2 گرادۋسقا دەيىن بولادى, جاۋىپ تۇرعان قار كۇننىڭ سوڭىنا قاراي توقتايدى.