الماتى قالاسىنىڭ اكىمى باقىتجان ساعىنتاەۆتىڭ باستاماسىمەن بالاباقشالارداعى كەزەكتى ەداۋىر تومەندەتۋ ماقساتىندا جەرگىلىكتى بيۋدجەتتەن مەملەكەتتىك ءبىلىم بەرۋ تاپسىرىسى ورنالاستىرىلعان جەكە بالاباقشالارداعى تاربيەلەنۋشىنىڭ جاسىنا قاراماستان تاماقتانۋعا جۇمسالاتىن شىعىنداردىڭ 100 پايىزىن وتەۋ جوسپارلانۋدا.
الماتى قالاسى ءبىلىم باسقارماسىنىڭ باسشىسى ءلاززات جىلقىباەۆا وڭىرلىك كوممۋنيكاتسيالار قىزمەتى الاڭىندا وتكەن بريفينگ بارىسىندا اعىمداعى جىلدىڭ اقپان ايىنان باستاپ الماتىدا جەرگىلىكتى بيۋدجەتتەن مەملەكەتتىك ءبىلىم بەرۋ تاپسىرىسى بار جەكە بالاباقشالاردا بالالاردىڭ تاماقتانۋ شىعىندارىن سۋبسيديالاۋ جوسپارلانعانىن اتاپ ءوتتى. سۋبسيديا سوماسى 18 900 تەڭگەنى قۇرايدى.
«بۇل جۇمىس جەكە سەكتورمەن تالقىلاندى. قازىرگى ۋاقىتتا ۇەۇ جانە جەكە سەكتورمەن كەلىسىم بويىنشا ولشەمدەر ازىرلەندى. قابىلداۋ اقپان ايىنىڭ باسىندا باستالادى. قاراجات وتىنىمدەردىڭ تۇسۋىنە بايلانىستى انىقتالادى. قانشا ورىن انىقتالسا, سونشا ورىنعا قارجى بولىنەدى», - دەدى ل.جىلقىباەۆا.
قازىرگى ۋاقىتتا 397 جەكەمەنشىك بالاباقشادا مەملەكەتتىك ءبىلىم بەرۋ تاپسىرىسى قولدانىستا. بۇل ءبىر بالاعا ايىنا 28 مىڭ تەڭگە. سونىمەن قاتار, تاماقتانۋ ءۇشىن 18 900 تەڭگە قوسىمشا سۋبسيديا تەك قوسىمشا ورىندار ءۇشىن بەرىلەتىنى ايتىلدى. ل. جىلقىباەۆا اتاپ وتكەندەي, جەكە ۇيىمداردىڭ باعدارلاماعا قاتىسۋى ءۇشىن كەلەسى تالاپتار تالقىلانۋدا. ياعني, مەكتەپكە دەيىنگى ۇيىمنىڭ ماتەريالدىق-تەحنيكالىق بازاسىنىڭ مەكتەپكە دەيىنگى تاربيە سالاسىنداعى نورماتيۆتىك-قۇقىقتىق اكتىلەرگە مىندەتتى تۇردە سايكەستىگى, ياعني سانيتارلىق-ەپيدەميولوگيالىق نورمالار ساقتالۋى جانە دە تاماقتانۋ جانە قوسىمشا ءبىلىم الۋ ءۇشىن اتا-انانىڭ اقى تولەۋ جيىنتىعى ايىنا 60 مىڭ تەڭگەدەن اسپاۋى قاجەت ءارى بۇل جاعدايدا اتا-انالاردىڭ ۇسىنىس-پىكىرلەرى ەسكەرىلەتىن بولادى.
الماتى