الماتىدا المالى اۋدانىنىڭ №109 سايلاۋ ۋچاسكەسىنىڭ باقىلاۋشىسى راۋشان ورازاليەۆا الماتى قالاسىنداعى جالپى قالالىق ءباسپاسوز ورتالىعىندا اقپارات بەرىپ, سايلاۋ ۋچاسكەسىندەگى قازىرگى جاعداي, سونداي-اق باقىلاۋشىلاردىڭ جۇمىسى تۋرالى باياندادى, دەپ حابارلايدى Egemen.kz
راۋشان ورازاليەۆانىڭ ايتۋىنشا, سايلاۋ ۋچاسكەسى ءوز جۇمىسىن ۋاقىتىندا باستادى, سايلاۋ ۋچاسكەسىن اشۋ تالاپقا ساي ءوتتى. سايلاۋ بارىسىن باقىلاۋ دا ءوز دەڭگەيىندە ء جۇرىپ جاتىر. ۋچاسكەدە بارلىق سانيتارلىق نورمالار ساقتالعان: كىرە بەرىستە دەزينفەكتسيالىق توننەل ورناتىلعان, ءار سايلاۋشىنىڭ دەنە قىزۋى تەكسەرىلىپ, بەتپەردەلەر تاراتىلىپ جاتىر.
«ساعات 7:00-دەن باستاپ سايلاۋشىلار سايلاۋ ۋچاس كەسىنە كەلە باستادى. ءبىزدىڭ ازاماتتاردىڭ, قالا تۇرعىندارىنىڭ كوڭىل كۇيلەرىنىڭ كوتەرىڭكى بولۋى قۋانتادى. بارلىعى ساتتىلىك تىلەپ, ءوز داۋىستارىن بەرۋدە», دەدى ر.ورازاليەۆا. ۋچاسكەدە سايلاۋشىلارعا, ونىڭ ىشىندە مۇمكىندىگى شەكتەۋلى جاندارعا بارلىق جاعدايلار جاسالعان.
سايلاۋ ۋچاسكەلەرى ساعات 7:00-دەن 20:00-گە دەيىن جۇمىس ىستەيدى.