قازاقستاننىڭ تۇڭعىش پرەزيدەنتى ۇلتتىق بانك توراعاسى ەربولات دوساەۆتى قابىلدادى, دەپ حابارلايدى Egemen.kz ەلباسىنىڭ ءباسپاسوز قىزمەتىنە سىلتەمە جاساپ.
كەزدەسۋدە نۇرسۇلتان نازارباەۆقا قازاقستان ەكونوميكاسىنىڭ 2021 جىلعى دامۋى جونىندەگى بولجام, سونداي-اق پاندەميا كەزىندەگى الەم نارىعىنداعى ەكونوميكالىق احۋالعا جاسالعان شولۋ تانىستىرىلدى.
ەلباسىنا قارجى تۇراقتىلىعىن قامتاماسىز ەتۋ شارالارى جانە ەكونوميكالىق ءوسىمدى قالپىنا كەلتىرۋدىڭ كەشەندى جوسپارىن جۇزەگە اسىرۋ تۋرالى اقپارات بەرىلدى.
ۇلتتىق بانك توراعاسى قازاقستاننىڭ حالىقارالىق رەزەرۆتەرىنىڭ جاعدايىن, ۇلتتىق قور مەن بىرىڭعاي جيناقتاۋشى زەينەتاقى قورى اكتيۆتەرىن باسقارۋ جۇمىستارىنىڭ الدىن-الا ناتيجەلەرىن باياندادى.