ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ 75 جىلدىعىنا ارنالعان «قازاقستاننىڭ تاريح عىلىمى: وتكەنى, بۇگىنى جانە كەلەشەگى» تاقىرىبىندا حالىقارالىق عىلىمي-تەوريالىق ونلاين-كونفەرەنتسيا ءوتتى.
ش.ءۋاليحانوۆ اتىن تاريح جانە ەتنولوگيا ينستيتۋتى كسرو مينيسترلەر كەڭەسىنىڭ قاۋلىسى, كسرو مينيسترلەر كەڭەسى جانىنداعى شتاتتىق كوميسسيانىڭ 1944 جىلعى 6 جەلتوقسانداعى № 689 ەتنوگرافيا ينستيتۋتىن جانە ءتىل جانە ادەبيەت ينستيتۋتىن ءبولىپ شىعارۋ تۋرالى» قاۋلىسى نەگىزىندە قۇرىلدى. 1961 جىلدىڭ قاڭتار ايىندا ينستيتۋتقا بەلگىلى تاريحشى-عالىم, ەتنوگراف ش.ش. ءۋاليحانوۆتىڭ ەسىمى بەرىلدى. قازكسر عا پرەزيديۋمىنىڭ 1991 جىلعى 12 قىركۇيەكتەگى № 73 قاۋلىسىمەن ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى بولىپ وزگەردى.
كونفەرەنتسياعا تاريح, تاريحناما, دەرەكتانۋ جانە ادىستەمە; قازاقستان تاريحىنىڭ تەوريالىق-ادىسنامالىق ماسەلەلەرى, ەتنوگرافيا, ارحەولوگيا جانە مۇراجاي ءىسى, ۇلى دالا مەملەكەتتىلىگىنىڭ تاريحى جانە ونىڭ ساباقتاستىعى; تاۋەلسىزدىك جاعدايىنداعى تاريح عىلىمىنىڭ جاي-كۇيى مەن دامۋ بارىسى, قازاقستان تاريحىنىڭ شەشىلمەگەن ماسەلەلەرى مەن «اقتاڭداقتارى», ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ قوعامدىق-گۋمانيتارلىق عىلىمداردى دامىتۋعا قوسقان ۇلەسى مەن ەل تاريحىنىڭ ۇلتتىق تۇجىرىمداماسىنداعى ءرولى تۇرعىسىنداعى ماسەلەلەر ارقاۋ بولدى.