قازاقستان ۇلتتىق بانكى «بەلكا · سترەلكا» جانە «SÚNDET TOI» كوللەكتسيالىق مونەتالارىن اينالىسقا شىعارىپ جاتىر. بۇل تۋرالى بانكتىڭ ءباسپاسوز قىزمەتى حابارلادى.
ساتۋ كۇنى تۋرالى اقپارات قازاقستان رەسپۋبليكاسى ۇلتتىق بانكىنىڭ رەسمي سايتىندا قوسىمشا جاريالانادى.
كۇمىستەن نومينالى 500 تەڭگەلىك, مەلحيور قوسپاسىنان نومينالى 200 تەڭگەلىك جانە نەيزيلبەر قوسپاسىنان نومينالى 100 تەڭگەلىك «بەلكا · سترەلكا» كوللەكتسيالىق مونەتالار «عارىش» مونەتالار سەرياسىن جالعاستىرادى. مونەتالار بەلكا مەن سترەلكا يتتەرى قازاقستان جەرىندەگى «بايقوڭىر» عارىش ايلاعىنان «ۆوستوك» عارىش كەمەسىندە ۇشقان كۇننەن باستاپ 60 جىل تولۋىنا ارنالعان. بەلكا مەن سترەلكا – وربيتاعا ساپار شەككەن جانە جەرگە امان ورالعان كەڭەستىك كوسموناۆت يتتەر.
مونەتالاردىڭ اۆەرسىندە ورتاسىندا ادامزات پەن عالامشاردىڭ بىرلىگىن, وتكەن كۇن مەن وسى كۇننىڭ بايلانىسىن بىلدىرەتىن كومپوزيتسيا بەينەلەنگەن. مونەتالاردىڭ وڭ جاق بولىگىندە مونەتالاردىڭ نومينالىن بىلدىرەتىن: تانتالى بار كۇمىس مونەتادا «500 تەڭگە», مەلحيور قوسپاسىنان جاسالعان مونەتادا «200 تەڭگە», نەيزيلبەر قوسپاسىنان جاسالعان مونەتادا «100 تەڭگە» دەپ جازىلعان. تانتالى بار كۇمىس مونەتا نومينالىنىڭ استىندا – مونەتا دايىندالعان مەتالدى, ونىڭ سىناماسى مەن ماسساسىن بىلدىرەتىن «Ag 925 14,6 g تا 26,8 g» دەگەن جازۋ بار. تومەنگى جاعىندا – قازاقستان تەڭگە سارايىنىڭ تاۋار بەلگىسى (لوگوتيپى) بار. جيەگىندە مەملەكەتتىك تىلدە «QAZAQSTAN RESPÝBLIKASY», اعىلشىن تىلىندە «REPUBLIC OF KAZAKHSTAN» دەپ اينالدىرا جازىلعان جازۋ بار.
مونەتالاردىڭ رەۆەرسىندە ورتاسىندا – عارىشتىق ايشىقتالعان كاپسۋلاداعى بەلكا مەن سترەلكانىڭ بەينەسى. جوعارى بولىگىندە اشىق عارىشتىڭ سيمۆولىن بىلدىرەتىن جۇلدىزدار شوعىرىن كورۋگە بولادى. جيەگىندە ورىس تىلىندە «بەلكا» مەن «سترەلكا», اعىلشىن تىلىندە «BELKA» مەن «STRELKA» دەگەن جازۋ, سونداي-اق وقيعانىڭ مەرەيتويلى داتاسىن بىلدىرەتىن «1960-2020» دەپ اينالدىرا جازىلعان جازۋ بار.
مونەتالار:
كۇمىس پەن تانتالدان, ماسساسى 41,4 گرامم (ساقينا – 925/1000 سىنامالى كۇمىستەن, ماسساسى 14,6 گرامم, ديسك – ماسساسى 26,8 گرامم تانتالدان), ديامەترى 38,61 مم, «proof» ساپاسىمەن, نومينالى 500 تەڭگەلىك, تارالىمى 2500 دانا; من-25 مەلحيور قوسپاسىنان, ماسساسى 15 گرامم, ديامەترى 33 مم, «proof-like» ساپاسىمەن, نومينالى 200 تەڭگە, تارالىمى 10 000 دانا; 15-20 نەيزيلبەر قوسپاسىنان, ماسساسى 11,17 گرامم, ديامەترى 31 مم, «uncirculated» ساپاسىمەن, نومينالى 100 تەڭگە, تارالىمى 100 000 دانا.نومينالى 500 تەڭگەلىك كۇمىستەن, نومينالى 100 تەڭگەلىك مەلحيور قوسپاسىنان جانە نومينالى 100 تەڭگەلىك نەيزيلبەر قوسپاسىنان جاسالعان «SÚNDET TOI» كوللەكتسيالىق مونەتالارى «قازاقستاننىڭ سالت-داستۇرلەرى, ۇلتتىق ويىندارى» مونەتالار سەرياسىن جالعاستىرادى. سۇندەت توي – قازاقتىڭ ۇلتتىق سالت-داستۇرىنە اينالعان قازاقتىڭ ەجەلگى ادەت-عۇرپى. سۇندەتكە وتىرعىزباس بۇرىن بولاشاق جىگىتتى اتقا وتىرعىزىپ, كەيىن سىيلىق بەرگەن.
مونەتالاردىڭ سيپاتتاماسى
مونەتالاردىڭ اۆەرسىندە ويۋ-ورنەك اياسىندا قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. اينالدىرا لاتىن گرافيكاسىمەن مەملەكەتتىك تىلدە «QAZAQSTAN RESPÝBLIKASY» جانە اعىلشىن تىلىندە «REPUBLIC OF KAZAKHSTAN» دەگەن جازۋ بار. سول جانە وڭ سەكتورلارىندا ۇلتتىق ويۋ-ورنەك ەلەمەنتتەرى بەينەلەنگەن. تومەنگى جاعىندا «TEŃGE», مونەتانىڭ نومينالىن بىلدىرەتىن كۇمىس مونەتادا «500» دەگەن سان جانە مەلحيور قوسپاسىنان جانە نەيزيلبەر قوسپاسىنان دايىندالعان مونەتالاردا «100» دەگەن سان بار.
مونەتالاردىڭ رەۆەرسىندە سۇندەت توي مەرەكەلىك سالتىنىڭ كومپوزيتسيالىق سۋرەتى بار. مونەتانىڭ جوعارعى بولىگىندە شاڭىراقتىڭ ايشىقتالعان بەينەسى جانە ۇلتتىق ويۋ-ورنەك ەلەمەنتتەرى, «SUNDET TOI» دەگەن جازۋ بار. مونەتانىڭ تومەنگى جاعىندا قازاقستان رەسپۋبليكاسى ۇلتتىق بانكىنىڭ لوگوتيپى جانە ويۋ-ورنەك قاپتالعان مونەتا شىعارىلعان جىل. مونەتانىڭ سول جانە وڭ جاعىندا كۇمىستەن جاسالعان «Ag 925» جانە «24 g» مونەتا مەتالىن, سىناماسىن جانە سالماعىن بىلدىرەتىن جازۋلار بار.
مونەتالار:
925/1000 سىنامالى كۇمىستەن, ماسساسى 24 گرامم, ديامەترى 37 مم, ساپاسى «proof», نومينالى 500 تەڭگە, تارالىمى 3 500 دانا; من 25 مەلحيور قوسپاسىنان, سالماعى 15 گرامم, ديامەترى 33 مم, ساپاسى «brilliant uncirculated», نومينالى 100 تەڭگە, تارالىمى 15 000 دانا; منتس 15-20 نەيزيلبەر قوسپاسىنان, سالماعى 11,17 گرامم, ديامەترى 31 مم, ساپاسى «uncirculated», نومينالى 100 تەڭگە, تارالىمى 100 000 دانا.مونەتالار كوللەكتسيالىق قۇنى بويىنشا ساتۋعا ارنالعان.
نومينالى 500 تەڭگەلىك, 200 تەڭگەلىك جانە 100 تەڭگەلىك كوللەكتسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق بانك شوتتارىنا ەسەپكە الۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكىندە شەكتەۋسىز ۇساقتالادى جانە ايىرباستالادى.
كۇمىستەن دايىندالعان مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان. «Proof-like» ساپاسىمەن مەلحيور قوسپاسىنان جاسالعان مونەتالار كادەسىيلىق وراۋمەن شىعارىلادى. «Brilliant uncirculated» دايىنداۋ ساپاسىمەن مەلحيور قوسپاسىنان جاسالعان مونەتالار ارنايى پوليگرافيالىق وراۋمەن شىعارىلادى.
كوللەكتسيالىق مونەتالار قازاقستان تەڭگە سارايىندا دايىندالدى.