امەريكا قۇراما شتاتتارى مەملەكەتتىك حاتشىسىنىڭ ءبىلىم جانە مادەنيەت ماسەلەلەرى (ECA) جونىندەگى كومەكشىسى ماري رويستىڭ قاتىسۋىمەن وتكەن ۆيرتۋالدى دوڭگەلەك ۇستەل بارىسىندا مادەنيەت سالاسىندا, ونىڭ ىشىندە ەسا كەڭسەسى ۇسىناتىن باعدارلامالار اياسىنداعى ەكى ەلدىڭ ىنتىماقتاستىق ماسەلەلەرى ءسوز بولدى, دەپ حابارلايدى Egemen.kz.
اقش ەلشىلىگىنىڭ ءباسپاسوز-اتتاشەسى شون بودا پاندەميا كەزىندە جۇمىس ىستەۋدىڭ قيىندىقتارىنا قاراماستان, اقش ميسسياسىنىڭ جوعارى دەڭگەيدەگى وكىلى, مەملەكەتتىك حاتشىنىڭ كومەكشىسى م.رويستىڭ جۋرناليستەرمەن قاشىقتان كەزدەسۋىنىڭ ماڭىزدىلىعىن اتاپ ءوتتى.
م.رويس ءبىلىم بەرۋ مەن مادەني ماسەلەلەر جونىندەگى بيۋرو (ECA) باعدارلامالارى اقش-تىڭ سىرتقى ساياسي ماقساتتارىن دامىتۋ, الەمدەگى ماڭىزدى ماسەلەلەر مەن مۇمكىندىكتەردى شەشۋ باعىتىندا جۇمىس ىستەيتىندىگىن اتاپ ءوتتى. امەريكا قۇراما شتاتتارىنىڭ حالقى مەن باسقا ۇلت وكىلدەرى اراسىنداعى ءوزارا تۇسىنىستىككە ىقپال ەتەتىن باعدارلامالار ءبىلىم بەرۋ, كاسىپتىك, مادەني جانە سپورت باعىتتارىن قامتيدى. بۇگىندە امەريكا قۇراما شتاتتارىنىڭ قازاقستانداعى ەلشىلىگى ارقىلى قانداي دا ءبىر باعدارلامالار تۋرالى كەڭەيتىلگەن مالىمەتتەر الۋعا بولادى. مۇنىمەن قوسا كوپتەگەن حالىقارالىق كونفەرەنتسيالار اياسىندا اقپارات الماسۋ مۇمكىندىكتەرى قاراستىرىلعان. بۇل باعىتتاعى باعدارلامالارعا جوعارى سىنىپتان باستاپ, باسشىلىق قىزمەتتەگى ازاماتتار قىزىعۋشىلىق بىلدىرە الادى. وسى تۇستا كاسىپكەرلىك سالاسىنداعى ايەلدەرگە ارنالعان باعدارلامالاردىڭ ەرەكشەلىكتەرى جايىندا ايتىپ وتكەن م.رويس جوبا جاھاندىق جۇمىسپەن قامتاماسىز ەتۋ ماقساتىندا جۇزەگە اسىپ وتىرعاندىعىن جەتكىزدى. بۇل باعدارلاما بازالىق بىلىمگە, كاپيتال تارتۋ, نارىقتىق بىلىكتىلىكتى ارتتىرۋعا باعىتتالعان.
م.رويس رەداكتسيا تاراپىنان قويىلعان سۇراقتارىمىزعا جاۋاپ بەرە كەلىپ, پاندەميا كەزىندە امەريكانىڭ ءبىلىم وشاقتارىنداعى احۋال جايىندا ايتىپ ءوتتى. «پاندەميا بارلىعىنا دا جاھاندىق تۇرعىدا اسەر ەتتى. اقش-تا ورتا ءبىلىم مەن جوعارى ءبىلىم بەرەتىن ورىنداردا ساباقتار گيبريدتى تۇردە, ياعني جارتىلاي سىنىپتا, جارتىلاي قاشىقتا ءوتىپ جاتىر. كەيبىر وقۋ ورىندارىندا ەپيدەميولوگيالىق سانيتارلىق ەرەجەلەردى ساقتاي وتىرىپ, وففلاين ساباقتار وتۋدە. بۇل جەردە ەڭ ماڭىزدىسى, قاشىقتىقتان وقۋدى كەڭىنەن قولدانا وتىرىپ, كوپتەگەن ادامدارعا ونلاين پلاتفورمادا ءبىلىم الۋعا مۇمكىندىك بەرۋ», دەپ جاۋاپ بەردى م.رويس. اقش-تا باعدارلامالار ءبىر ورتالىققا باعىنبايتىندىقتان, وقۋ تولەماقىسى وقۋ ورنىندارىندا ءارتۇرلى. ەلدىڭ ءار شتاتى مەن قالاسىندا ۋنيۆەرسيتەتتەر, كوللەدجدەر, سونداي-اق كوپتەگەن ماماندىق تۇرلەرى بار. اقش-تا ۋنيۆەرسيتەتكە قاراستى 4700 جۋىق قوعامدىق كوللەدجدەر (Community College) جۇمىس ىستەيدى, مىسالى, ەگەر ستۋدەنتتىڭ اعىلشىن ءتىلى دەڭگەيى تومەن بولسا, ول بىرىنشىدەن, قوعامدىق كوللەدجگە تۇسەدى دە, كەيىن ءبىلىمىن ۋنيۆەرسيتەتكە اۋىسىپ, جالعاستىرادى.
اقش-تىڭ ءبىلىم الماسۋ باعدارلامالارىنىڭ بىرىندە ءبىلىم العان ميرحات سەرىكباەۆ (SUSI‘19) ايەلدەرگە قارسى زورلىق-زومبىلىقپەن كۇرەسكە باعىتتالعان ء«وز قۇقىڭدى قورعا» جوبا گرانتىن ۇتىپ العان. ميرحات سەرىكباەۆ بۇگىندە قازاقستاندا 400-دەن استام ايەل زورلىق-زومبىلىقتان زارداپ شەگەتىنىن نەگىزگە الا وتىرىپ, بۇل جوبا اياسىندا تەگىن كەڭەستەر بەرىلەتىندىگىن جەتكىزدى. توعىز اي بويى تەگىن وتەتىن ءۇش ءبولىمدى ونلاين كۋرس بارىسىندا كاسىبي ماماندار ايەلدەردى تولعاندىرعان سۇراقتارعا جاۋاپ بەرەتىن بولادى. ميرحات سەرىكباەۆ سونىمەن قاتار ەلشىلىك سايتىندا بارلىق باعدارلامالار جايىندا اقپارات الۋعا بولاتىندىعىن جەتكىزدى. وتكەن جىلى پەنسيلۆانيا تەمپۋ ۋنيۆەرسيتەتىندە ءبىلىم العان زاڭگەر اقش-تاعى تاريح, ءدىني ۇستانىمدار مەن دەموكراتيانى دامىتۋ ماسەلەلەرىمەن تانىسىپ, ۆاشينگتون, نيۋ-يورك, وريزونا ساپارلارى جايىندا ايتىپ ءوتتى.
وسى ۆيرتۋالدى كەزدەسۋدە ءاليا جولبولدينا Muskie, IVLP باعدارلامالارىنا قاتىسۋ تاجىريبەسىمەن ءبولىستى. پوستكەڭەستىك ەلدەر اۋماعىندا جۇزەگە اسقان Muskie باعدارلاماسى اياسىندا اقش-تا يۋريسپرۋدەنتسيا بويىنشا ماگيستراتۋرادا ءبىلىم العان ءاليا جولبولدينا پيتسبۋرگتە ءبىلىم الۋ بارىسىمەن تانىستىرىپ وتكەن ساراپشى ايەلدەر كاسىپكەرلىگى بويىنشا IVLP باعدارلاماسى اياسىندا ءبىلىم الۋدىڭ ءتيىمدى تۇستارىن قامتىپ ءوتتى. قازىرگى كەزدە تۇلەكتەر قاۋىمداستىعىنىڭ تواعاسى بولىپ تابىلاتىن ءاليا جولبولدينا كوپتەگەن جوبالار تۋرالى, سونىمەن بىرگە ءبىلىم الۋ باعدارلامالارىنا قاتىسۋ مۇمكىندىكتەرىنە توقتالدى.