وڭىرلىك كوممۋنيكاتسيالار الاڭىندا وتكەن ونلاين-بريفينگتە الماتى قالاسىنىڭ كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين بيىلعى جىلدىڭ 10 ايىندا پاندەميا سالدارىنىڭ اياسىندا ساۋدا سالاسى قۇلدىراعانىنا قاراماستان, ءوندىرىس جانە ينۆەستيتسيالار سالاسىندا وڭ ديناميكا بايقالاتىندىعىن اتاپ ءوتتى.
ەركەبۇلان ورازالين اتاپ وتكەنىندەي, اعىمداعى جىلعى قاڭتار-قازاندا بولشەك ساۋدا كولەمى 2 747 ملرد تەڭگەنى قۇرادى. رەسپۋبليكالىق كولەمدە قالانىڭ بولشەك تاۋار اينالىمىنىڭ ۇلەسى 30,3%-دى قۇرادى. بۇل رەتتە ازىق-ت ۇلىك تاۋارلارىن ساتۋ 6,7%-عا ۇلعايدى, ازىق-ت ۇلىك ەمەس تاۋارلار 14,3%-عا تومەندەدى. قاڭتار-قازان ايلارىندا كوتەرمە ساۋدا اينالىمىنىڭ كولەمى 7 978,2 ملرد تەڭگەنى قۇرادى. رەسپۋبليكالىق كولەمدە قالانىڭ كوتەرمە تاۋار اينالىمىنىڭ ۇلەسى 42,8%-دى قۇرادى.
سونىمەن بىرگە, ونەركاسىپتە وڭ سەرپىن بايقالۋدا. 2020 جىلعى قاڭتار-قازان ايلارىنىڭ كەزەڭى ىشىندە 826,4 ملرد تەڭگەگە, ونىڭ ىشىندە, وڭدەۋ ونەركاسىبىندە 670,4 ملرد. تەڭگەگە ءونىم ءوندىرىلدى. سونداي-اق, پاندەمياعا جانە كارانتيننىڭ شەكتەۋ شارالارىنا قاراماستان, اعىمداعى جىلى الماتى قالاسىندا نەگىزگى كاپيتالعا سالىنعان ينۆەستيتسيالار كولەمىنىڭ وسكەنى بايقالادى.
بيىلعى جىلدىڭ 10 ايىنىڭ ىشىندە نەگىزگى كاپيتالعا سالىنعان ينۆەستيتسيالار 719,2 ملرد. تەڭگەنى, نكي – 116,9 پايىزدى قۇرادى.
پايدالانۋ باعىتتارى بويىنشا ينۆەستيتسيالاردىڭ نەگىزگى كولەمى: جىلجىمايتىن م ۇلىككە – 323,4 ملرد. تەڭگە; ونەركاسىپكە – 99 ملرد. تەڭگە; كولىك جانە قويمالاۋعا – 69,4 ملرد. تەڭگە; دەنساۋلىق ساقتاۋ جانە الەۋمەتتىك قىزمەت كورسەتۋگە – 44,9 ملرد. تەڭگە; سونداي-اق قارجى جانە ساقتاندىرۋ قىزمەتىنە – 43,3 ملرد. تەڭگە تيەسىلى بولدى.
جىلدىڭ سوڭىنا دەيىن 90 ينۆەستيتسيالىق جوبانى ىسكە اسىرۋ جوسپارلانىپ وتىر, ولاردىڭ اراسىندا: الەۋمەتتىك جوبالار – 30,8 ملرد تەڭگەگە 9 جوبا; ساۋدا جانە قىزمەت كورسەتۋ سالاسىنداعى جوبالار – 15 ملرد تەڭگەگە 45 جوبا; ونەركاسىپ سالاسىنداعى جوبالار – 60,4 ملرد تەڭگەگە 17 جوبا; جىلجىمايتىن م ۇلىك – 68,5 ملرد. تەڭگەگە 18 جوبا; كولىك –1,5 ملرد.تەڭگەگە 1 جوبا. جوبالاردى ىسكە اسىرۋ بارىسىندا اعىمداعى جىلى 7,3 مىڭنان استام جۇمىس ورىندارىن قۇرۋ جوسپارلانىپ وتىر. ە. ورازالين 2020 جىلدىڭ قورىتىندىسى بويىنشا مەگاپوليستىڭ نەگىزگى كاپيتالىنا سالىنعان ينۆەستيتسيالار 900 ملرد. تەڭگە دەڭگەيىندە دەگەن بولجاممەن ءبولىستى. قالانىڭ ينۆەستيتسيالىق تارتىمدىلىعىن ارتتىرۋ ءۇشىن كەلەسى شارالار قابىلدانۋدا: الماتى يندۋستريالدى ايماعىنىڭ اۋماعىن كەڭەيتۋ جولىمەن جەكە ينۆەستيتسيالار تارتۋ; «الاتاۋ» يتپ اەا نەگىزىندە فارماتسەۆتيكالىق كلاستەر قۇرۋ - جۇمىس ىستەپ تۇرعان ونەركاسىپ نىساندارىنىڭ نەگىزىندە ءىرى دەۆەلوپەرلىك جوبالاردى ىسكە اسىرۋ; قالا ەكونوميكاسىنىڭ باسىم سەكتورلارىنا ينۆەستيتسيالار تارتۋ پىسىقتالۋدا.
الماتى