سقو پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ءدىني ماتەريالداردى زاڭسىز تاراتۋ فاكتىسى انىقتالدى, دەپ حابارلايدى Egemen.kz
30 جاستاعى پەتروپاۆلدىق WhatsApp مەسسەندجەرىندەگى ستاتۋسىنا ءدىني سيپاتتاعى فوتوسۋرەتتەردى ءجيى قويىپ وتىرعان. وعان قارسى سقو پد ەقىقب قىزمەتكەرلەرى اكىمشىلىك قۇقىق بۇزۋشىلىقتار تۋرالى كودەكستىڭ 490-بابى – "قازاقستان رەسپۋبليكاسىنىڭ ءدىني قىزمەتى جانە ءدىني بىرلەستىكتەرى تۋرالى زاڭناماسىن بۇزۋ" بويىنشا ءوندىرىس قوزعادى. پەتروپاۆل قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن وعان 35 ايلىق ەسەپتىك كورسەتكىش كولەمىندە ايىپپۇل تولەۋ تۇرىندەگى جازا تاعايىندالدى.
ء"دىني سەنىم ەركىندىگى زاڭعا قايشى كەلمەۋى ءتيىس. ءدىني ماتەريالداردى شىركەۋلەردە, مەشىتتەردە جانە ءدىني باعىتتاعى ءبىلىم بەرۋ ۇيىمدارىندا نە جەرگىلىكتى اتقارۋشى ورگان بەرگەن ءتيىستى رۇقساتى بار كىتاپ دۇكەندەرىندە عانا تاراتۋعا بولادى. سقو-دا مۇنداي دۇكەندەردىڭ سانى 15, ونىڭ 14-ءى پەتروپاۆلدا, بىرەۋى ايىرتاۋ اۋدانىنىڭ ورتالىعى ساۋمالكول اۋىلىندا ورنالاسقان. ءدىني كىتاپتاردى جەكە كىتاپحانادان نە باسقا جولدارمەن تاراتۋعا تىيىم سالىنعان", دەيدى سقو پد ەقىقب باستىعى پوليتسيا پودپولكوۆنيگى رۋسلان جاراسباەۆ.