قازاقشا ۇيرەتەتىن پلاتفورما

شىمكەنت قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتە­بى­نىڭ 10-سىنىپ وقۋشىلارى بورتە قۇربانباي, جىبەك الياقبار, الميرا ابدىقادىر جانە ايدا ماليكوۆا «U:hack» يدەيالار فەستيۆالىنە قاتى­سىپ, سونىڭ اياسىندا 24 ساعات­­تىڭ ىشىندە مەكتەپ جاسى­­نا دەيىنگى جانە مەكتەپ وقۋ­شىلارىنا قازاق ءتىلىن ۇيرە­تە­تىن ونلاين-مەدياتەكانى جاساپ شىعاردى. ولار ازىرلەگەن «Ynta» جوباسىنىڭ ماقساتى − قازاق تىلىندەگى مەديا-فايلدار, كىتاپتار مەن فيلمدەر ارقىلى مەكتەپكە دەيىنگى جانە مەكتەپ جاسىنداعى بالالارعا قازاق ءتىلىن ۇيرەنۋگە قىزىقتىرۋ.

پلاتفورمانىڭ نەگىزىن قالاۋ­شىلاردىڭ ءبىرى ب.قۇر­بان­بايدىڭ ايتۋىنشا, جوبا­نىڭ يدەياسى − ءفيلمدى نەمەسە سەريالدىڭ ەپيزودىن قاراۋ كەزىندە نەمەسە پودكاستى, يا اۋديوكىتاپتى تىڭ­داۋ بارىسىندا ماتىندەگى بەي­مالىم ءسوزدى بەلگىلەپ, سول ءسوزدىڭ ماعىناسىن, ورىس جانە اعىلشىن تىلىندەگى اۋدارما­سىن, سينونيمدەرىن جانە سويلەمدە قولدانۋ مىسالىن تابۋ ارقىلى قازاق ءتىلىن ۇي­رەنۋ, لەكسيكالىق جانە گرام­ما­تيكالىق قولدانىسىن كەڭەيتۋ. بۇل ءۇشىن سايتتا بەيمالىم ءسوزدىڭ ماعىناسىن كورسەتۋ جانە سوزدىكتى تولتىرۋ فۋنكتسيالارى قامتىلعان.

سونداي-اق قازاق تىلىندەگى كونتەنتتىڭ جەتىسپەۋشىلىگى, قازاق تىلىندە اۋدارىلعان الەمدىك ادەبيەت پەن الەمگە ايگىلى فيلمدەردىڭ شەكتەۋلى ءتىزىمى ماسەلەسى دە قىزداردىڭ جوباسىندا كورىنىس تاپتى. بۇل ماقساتتا قىزدار اۋەسقوي جانە كاسىبي اۋدارما, سونداي-اق دىبىستاۋ ماماندارىمەن ىنتىماقتاستىق ورناتۋدى ۇسىنعان.

ء«بىزدىڭ جوبا  –  ءارى تانىمدىق, ءارى قىزىق كونتەنتتىڭ سيمبيوزى. ءوز بەتىمەن ءتىل ۇيرەنۋدىڭ قانشالىقتى قيىن ەكەنىن ءبارىمىز بىلەمىز. سوندىقتان ءتىل ۇيرەنۋدە جاقسى ناتيجەلەرگە قول جەتكىزۋ ءۇشىن وزىڭە قىزىقتى نارسەلەردى قاراعان ءجون», دەپ اتاپ ءوتتى ا.ابدىقادىر.

«U:hack» – يننوۆاتسيالىق يدەيالاردى ىسكە اسىرۋعا ارنال­عان يدەيالار الاڭى. فەس­تيۆال اياسىندا كوماندالار 24 ساعات ىشىندە ۇيىمداستىرۋشىلار بەرگەن تاپسىرمالاردىڭ وڭتايلى شەشىمىن تاۋىپ, ونى جان-جاقتى ويلاستىرىپ, ءوز جوباسىن ۇسىنادى.