Nur Otan پارتياسىنىڭ بۇكىل ەلىمىز بويىنشا اۋداندىق جانە قالالىق فيليالدارى ساياسي كەڭەس بيۋروسىنىڭ وتىرىستارىن وتكىزىپ, ولاردىڭ بارىسىندا كونفەرەنتسيالارداعى پىكىرسايىستارعا تۇسەتىن قاتىسۋشىلاردىڭ ءتىزىمى بەكىتىلدى, دەپ حابارلايدى Egemen.kz
جالپى, پارتياىشىلىك ىرىكتەۋدىڭ ەكىنشى كەزەڭى اياسىندا اۋداندار مەن قالالاردىڭ كونفەرەنتسيالارىندا پىكىرسايىستارعا 1397 كانديدات قاتىسادى. سونىڭ ىشىندە نۇر-سۇلتان, الماتى جانە شىمكەنت قالالارى دا بار.
پىكىرسايىستار مەن داۋىس بەرۋ قورىتىندىلارى بويىنشا ەڭ جوعارى ناتيجەلەرگە يە بولعان قاتىسۋشىلار وبلىستىق پارتيالىق تىزىمگە ەنگىزۋ ءۇشىن ۇسىنىلادى.
پىكىرسايىس قورىتىندىلارى بويىنشا ەڭ كوپ داۋىس جيناعاندار, ءوڭىردىڭ ماجىلىستەگى وكىلدىك كۆوتاسىنا سايكەس, ءماجىلىستىڭ پارتيالىق تىزىمىنە پىكىرسايىسقا قاتىسۋشىلار رەتىندە وبلىستىق كونفەرەنتسياعا ۇسىنىلادى.
پىكىرسايىسقا قاتىسۋشىلاردىڭ تىزىمىمەن primaries.kz. سايتىنان تانىسۋعا بولادى.
ەستەرىڭىزگە سالا كەتەيىك, بۇعان دەيىن Nur Otan پارتياسى وڭىرلىك كونفەرەنتسيالار كەستەسىن جاريالاعان بولاتىن. ونىڭ بارىسىندا بارلىق دەڭگەيدەگى ءماسليحاتتار مەن ءار وڭىردەن ماجىلىسكە پارتيالىق تىزىمگە كانديداتتار انىقتالاتىن بولادى.
وبلىستىق ماسليحاتتارعا پارتيالىق تىزىمدەر ءتيىستى كونفەرەنتسيالاردا, ال ماجىلىسكە قورىتىندى ءتىزىم Nur Otan سەزىندە بەكىتىلەدى.
پارتياىشىلىك ىرىكتەۋ – پرايمەريزدىڭ ءبىرىنشى كەزەڭىنە 10 مىڭعا جۋىق كانديدات قاتىستى. ولاردىڭ 37%-ءتى – ايەلدەر, 29%-ءتى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%-ءتى ۇسىنىلسا, ال 70%-ءتى – ءوزىن-ءوزى ۇسىنۋشىلار. داۋىس بەرۋگە 662 مىڭنان اسا پارتيالىق قاتىستى.