نۇر-سۇلتان قالاسىنىڭ №2 ارنايى مەكتەبىنىڭ بالالارى ءبىلىم بەرۋ وشاعىنىڭ اۋلاسىندا اعاش كوشەتتەرىن وتىرعىزدى. ءىس-شارا "تۋعان جەر" ەكولوگيالىق قوزعالىسىنىڭ ء"ار بالاعا – ءوز اعاشى" جوباسى اياسىندا جانە مەملەكەت باسشىسىنىڭ ەلدى جاسىلداندىرۋ تاپسىرماسى نەگىزىندە ۇيىمداستىرىلدى, دەپ حابارلايدى Egemen.kz.
ء"بىز بالالارمەن بىرگە تەك كوشەت وتىرعىزۋدى ەمەس, ونى ءوسىرۋدى دە ۇيرەندىك. بۇگىن قوندىرىپ جاتقان كوشەتتەرىمىز ءوزىمىزدىڭ تالىمباقتا وسكەن شاعان, ەمەن اعاشتارى. نەگىزى كوبىنە قىستا قۇستاردى ازىقتاندىرۋعا بولاتىن الما, المۇرت, دولانا, مويىل ەگۋگە تىرىسامىز",- دەدى "تۋعان جەر" ەكولوگيالىق بالالار قوزعالىسىنىڭ جەتەكشىسى تاتيانا كورشۋنوۆا.
جالپى ەكولوگيالىق جوباعا 15 ورتا جانە كوررەكتسيالىق مەكتەپتەردەن 300-گە جۋىق وقۋشى جۇمىلدىرىلعان. ءار قالانىڭ ءبىلىم بەرۋ وشاقتارى كوشەت ەگۋدى ءبىر-بىرىنە ءداستۇرلى تۇردە ەستافەتا رەتىندە جولدايدى.
"ەكولوگيالىق مادەنيەت ءبىزدى بىرىكتىرۋشى فاكتور بولۋى كەرەك دەپ ويلايمىن. قورشاعان ورتانى جاسىلداندىرۋعا الەۋمەتتىك ستاتۋسىنا, دەنساۋلىعىنا قاراماستان ءار بالا ۇلەس قوسا الادى", - دەپ ەسەپتەيدى ت. كورشۋنوۆا.
كەلەر كوكتەمدە بالالار باقشا جانە بولمە گۇلدەرىن وتىرعىزباق.
ەسكە سالساق, مەملەكەت باسشىسى 1 قىركۇيەكتەگى جولداۋىندا الداعى 5 جىلدا ورمان القاپتارىندا 2 ملرد, ەلدى مەكەندەردە 15 ملن اعاش وتىرعىزۋعا تاپسىرما بەرگەن.