ايەلدەر قۇقىعىن قورعاۋعا ارنالعان جيىن

كونفەرەنتسيا بۇۇ باس اسسام­بلەيا­سىنىڭ 75-سەسسياسىندا ايەلدەردىڭ قۇقىقتارىن قورعاۋ تۋرالى بەيجىڭ دەك­لا­راتسياسىنىڭ 25 جىلدىعىنا ارنالعان.

قاتىسۋشىلار الدىندا قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق سايا­سات جونىندەگى ۇلتتىق كوميسسيانىڭ ءتورايىمى ءلاززات رامازانوۆا ءسوز سويلەدى.

ول بەيجىڭ دەكلاراتسياسى قا­­­زاق­ستانداعى گەندەرلىك پروگ­رەس­­تىڭ كاتاليزاتورىنا اينال­­عا­نىن اتاپ ءوتتى. گەن­دەر­لىك سايا­ساتتىڭ ۇلتتىق مودەلى, ايەل­دەر­دىڭ قۇقىقتارىن قورعاۋ­دىڭ قۇ­قىقتىق بازاسى مەن تەتىك­تەرى قۇرىلدى. 2030 جىلعا دە­يىن­گى وتباسىلىق-گەندەرلىك ساياسات تۇجىرىمداماسىنىڭ ەكىن­شى كەزەڭى جۇزەگە اسىرىلۋدا. ول بەيجىڭ دەكلاراتسياسى مەن ايەلدەرگە قاتىستى كەمسى­تۋشى­لىكتىڭ بارلىق تۇرلەرىن جويۋ تۋرا­لى كونۆەنتسيانى جۇزەگە اسى­رۋعا باعىتتالعان. ايەلدەر مەن با­لالاردىڭ قۇقىقتارىن قور­عاۋ بويىنشا كەشەندى شارالار قابىلدانۋدا.

جىل باسىندا ايەلدەر مەن با­لالاردىڭ جىنىستىق قول سۇعىل­ماۋشىلىعىنا, ادام ساۋدا­سىنا جانە تۇرمىستىق زور­لىق-زومبىلىققا قارسى قىل­مىس­تار ءۇشىن قىلمىستىق جاۋاپ­كەر­شىلىك كۇشەيتىلدى. پارلا­مەنتتە دەپۋتاتتاردىڭ ۇلت­تىق كوميسسيامەن بىرلەسىپ وتباسىلىق زورلىق-زوم­بى­لىقتىڭ الدىن الۋ جانە گەندەرلىك ساياسات تۋرالى زاڭ جوبالارى قارالۋدا. ايەلدەردىڭ ساياساتتاعى وكىلدىگىندە, ولاردىڭ ەكونوميكالىق مۇمكىندىكتەرىن كەڭەيتۋدە پروگرەسكە قول جەت­كىزى­لۋدە», دەدى ءلاززات رامازانوۆا.

بۇگىنگى تاڭدا قازاقستاننىڭ مەم­لەكەتتىك قىزمەتىندەگى باسشى­لىق قىزمەتتەردەگى ايەلدەر­دىڭ ۇلەسى 40%-دى قۇرايدى. پارلا­مەنت ماجىلىسىندە – 27%, جەرگىلىكتى وكىلدى ورگانداردا – 22%. ايەل سۋديالاردىڭ سانى 51%-عا جەتتى. سونىمەن بىرگە ايەل­­­دەردىڭ 43%-ى شاعىن جانە ور­­تا بيزنەستە جۇمىس ىستەيدى, ال 78%-ى جەكە كاسىپكەرلەر. ەكىنشى دەڭ­­­گەيلى بانكتەردىڭ باسقارۋ قۇ­را­­مىن­دا­عىلاردىڭ 25%-ى ايەلدەر.

ۇلتتىق كوميسسيا ءتورايىمى قازاق­ستان ايەلدەرى پاندەميا جاعدايىندا جان­قيار­لىقپەن جۇمىس ىستەپ جاتقانىن اتاپ ءوتتى. بۇل, ەڭ الدىمەن دەنساۋلىق ساقتاۋ جانە الەۋمەتتىك قورعاۋ سالاسىنداعى قىزمەتكەرلەر, ولاردىڭ وسى سالالارداعى ۇلەسى 71%-دى قۇرايدى. قازاقستان اقشالاي جانە ازىق-ت ۇلىك كو­مەك­تەن, الەۋمەتتىك تولەمدەردى يندەكستەۋ جانە بيزنەستى قول­داۋ بويىنشا شۇعىل شارا­لار قابىلداۋدان تۇراتىن داع­دا­رىسقا قارسى شارالار پاكەتىن قابىلدادى.

قازاقستان بۇۇ باستاماسى­مەن بۇۇ-75 فورماتىندا الەم­نىڭ بولاشاعى تۋرالى جاھاندىق ديسكۋسسيانى قول­دايدى. بۇ­گىندە ادامزاتقا تەز ارادا قاۋىپ توندىرەتىن قاتەرگە قارسى ەلدەر­دىڭ كۇش-جىگەرى مەن ينتەگراتسياسىن بىرىكتىرۋ قاجەت.

ء«بىز بۇۇ پلاتفورماسىندا جا­ھاندىق داعدارىستان كەزەڭ-كەزەڭىمەن شىعۋ بو­يىنشا ۇسى­نىس­تار ازىرلەيتىن داعدارىسقا قار­سى ورتالىق, سونداي-اق ايەل­دەر­دىڭ قۇقىقتارىن قورعاۋ, ولار­دىڭ ساقتالۋىن باقىلاۋ جو­نىندەگى شارالاردى جۇزەگە اسى­رۋداعى مەملەكەتتەردىڭ وزىق تاجى­ريبەلەرمەن جەدەل الماسۋ ءۇشىن بىرىڭعاي بانك قۇرۋدى ۇسى­نامىز. بىرلەسكەن تاجىريبە زاماناۋي سىن-قاتەرلەردەن يممۋني­تەتكە اينالاتىنى ءسوزسىز جانە بۇل العا جىلجۋدىڭ نەگىزى», دەپ اتاپ ءوتتى ل.رامازانوۆا.