قىزىلجار اۋدانى پوليتسيا ءبولىمىنىڭ قىزمەتكەرلەرى 25-تەن اسا ۇرلىق جاساعان 40 جاستاعى ەر ادامدى ۇستادى, – دەپ حابارلايدى Egemen.kz Polisia.kz-كە سىلتەمە جاساپ.
كوبىنەسە رەتسيديۆيست-ۇرى سوتتا كەشىرىلىپ وتىرعان, سوندىقتان وعان قاتىستى قىلمىستىق ىستەر ەكى جاقتىڭ كەلىسىمىمەن اياقتالىپ كەلگەن. قازىر ول شارۋاشىلىققا قاجەتتى ءتۇرلى زاتتار مەن ازىق-ت ۇلىك ۇرلادى دەگەن كۇدىككە ءىلىنىپ وتىر. وسىنىڭ ءبارىن ياكور اۋىلىنان ولجالاعان. پوليتسەيلەر ۇرلانعان زاتتىڭ ءبىر بولىگىن يەلەرىنە قايتاردى. ۇرلىقتىڭ ەكى اي بۇرىن ورىن العانىنا قاراماستان, ۇرلانعان زاتتاردى ساتىپ الاتىندار انىقتالدى. سپيننينگ پەن بولگاركا سول اۋىلدىڭ تۇرعىنىنان شىقتى.
"كۇدىك تۋعىزاتىن زاتتى ساتىپ الماس بۇرىن, ۇرلانعان زات انىقتالعان جاعدايدا ساتىپ الۋشى اقشاسىنان, سونداي-اق زاتىنان ايىرىلىپ قالۋى مۇمكىن ەكەندىگىن ەستەن شىعارماعان ءجون. ودان بولىك, ۇرلانعان زاتتى ساتىپ العانى ءۇشىن قىلمىستىق جاۋاپكەرشىلىك كوزدەلگەن", – دەيدى قىزىلجار اۋدانى پوليتسيا ءبولىمىنىڭ باستىعى ءاليحان بايقاداموۆ.
قازىرگى ۋاقىتتا ەكى ۇرلىق فاكتىسى بويىنشا قر قك 188-بابىمەن سوتقا دەيىنگى تەرگەۋ باستالدى. ارتىندا كريمينالدىق ارەكەتتەرى بار اۋىل تۇرعىنا قاتىستى بۇلتارتپاۋ شاراسى ماسەلەسى شەشىلۋدە.