سقو اكiمi اققايىڭ اۋدانىندا جوندەۋ جۇمىستارىنىڭ اياقتالۋ بارىسىن قاداعالادى

"وبلىستا اۋقىمدى جوندەۋ جۇمىستارى اياقتالىپ كەلەدi. كەشە اققايىڭ اۋدانىندا جوندەۋ جۇمىستارىنىڭ اياقتالۋ بارىسىن قاداعالادىم. بيىل اققايىڭ اۋدانىندا 1,4 ملرد تەڭگەگە 32 جوبا جۇزەگە استى. 7 مەكتەپ پەن «بالاپان» بالاباقشاسى كۇردەلi جوندەۋدەن ءوتتi. اۋداندىق اۋرۋحانا جاڭارىپ, توكۋشي مەن قيالىداعى دارiگەرلiك امبۋلاتوريالار جوندەلدi. مادەنيەت ۇيلەرi مەن مۇراعاتتىڭ عيماراتى دا جاڭاردى.

سپورتتىق ويىن الاڭدارى مەن 8 شاعىن فۋتبول الاڭى ورناتىلدى. زاماناۋي دەنە شىنىقتىرۋ-ساۋىقتىرۋ كەشەنiنiڭ قۇرىلىسى باستالدى. 16 اۋىلدا كوشە شامدارى ورناتىلۋدا. 36 كوشە قامتىلىپ, 34 شاقىرىمعا سوزىلعان جاڭا جارىقتاندىرۋ جۇيەسi قويىلماق. سميرنوۆتا 16 شاقىرىم جول جوندەلدi. اۋدان ورتالىعىندا 8 كوشەگە اسفالت توسەلiپ, 9 كوشەدە اعىمداعى جوندەۋ جۇرگiزiلدi.

ۆلاسوۆكا اۋىلىندا تىڭ وزگەرiستەر ورىن الدى. مەكتەپ پەن مادەنيەت ءۇيi جاڭاردى. شاعىن فۋتبول الاڭى قويىلدى. وعان قوسا, بىلتىر بۇل اۋىلدا 9,5 شاقىرىمعا سوزىلعان سۋ جۇيەسi تارتىلدى, قازiر اۋىلدا 250 ءۇي بولسا, ونىڭ جارتىسىنان كوبi ورتالىق سۋ جۇيەسiنە قوسىلعان.

وبلىستا جاڭا ينۆەستجوبالار جۇزەگە اسۋدا. قيالىدا زاماناۋي ەلەۆاتوردىڭ قۇرىلىسى اياقتالۋعا جاقىن. ينۆەستيتسيا كولەمi 1,5 ملرد. تگ. بۇگiندە وڭiردە 45 نان قابىلداۋ پۋنكتi بار. ونىڭ 20-سى زاماناۋي جانە اۆتوماتتاندىرىلعان ەلەۆاتورلار", - دەپ جازدى وبلىس اكىمى.