جىل باسىنان 29 سولتۇستىكقازاقستاندىق ءومىر بويىنا كولىك باسقارۋ قۇقىعىنان ايىرىلدى, – دەپ حابارلايدى Egemen.kz Polisia.kz سايتىنا سىلتەمە جاساپ.
باسقارۋ قۇقىعىنان ايىرىلا تۇرا, بۋىنىنا تاراعان الكوگولدىڭ اسەرىنەن قايتا رولگە وتىرعان جۇرگىزۋشىلەر پوليتسەيلەردى الاڭداتىپ وتىر. سقو پد باستىعىنىڭ ورىنباسارى ەڭبەك سەمبيننىڭ ايتۋىشا, مۇنداي فاكتىلەر زاڭدى عانا ەمەس, قورشاعان ورتاسىنداعى ادامداردى دا ەلەمەيتىندىكتەرىن كورسەتەدى.
"ىشىمدىكتى ءتاۋىر كورەتىندەر جولعا شىققان سايىن ادامداردىڭ ءومىرى مەن دەنساۋلىقتارىنا قاۋىپ توندىرەدى", – دەيدى پد باستىعىنىڭ ورىنباسارى ەڭبەك سەمبين. – بيىلعى جىلعى 11 قاڭتاردان قىلمىستىڭ اتالعان ءتۇرى ءۇشىن جاۋاپكەرشىلىكتىڭ قاتاڭداتىلعانىن اۆتوجۇرگىزۋشىلەرگە تاعى ءبىر رەت ەسكەرتكەندى ءجون دەپ ەسەپتەيمىن. ەندى, نەگىزگى جازادان بولەك, قىلمىسكەرلەر اۆتوكولىك باسقارۋ قۇقىعىنان ءومىر بويىنا ايىرىلادى. سقو-دا 11 قاڭتاردان بەرى وسىنداي 29 سوت شەشىمى قابىلداندى. كوبىنە باس بوستاندىعىنان شەكتەۋ ۇكىمى شىعارىلادى.
ەكى جاعدايدا ءوندىرىس قر قىلمىستىق كودەكسىنىڭ 346-بابى 2-بولىگى (كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ) بويىنشا جۇرگىزىلدى.
اتالعان ءبولىم ماتەريالدىق زالال نەمەسە دەنساۋلىققا جەڭىل زيان كەلتىرگەن جاعدايدا قولانىلادى. ماسەلەن, اقپاندا قىزىلجار اۋدانىنىڭ 29 جاستاعى تۇرعىنى “چەليابى-ءنوۆوسىبىر” تاس جولىندا ءوزىنىڭ “Audi-80” كولىگىمەن “Lada 217030” اۆتوماشيناسىن باسىپ وزامىن دەپ ەكى جىلعا باس بوستاندىعىنان ايىرىلدى. شىلدە ايىندا ونىڭ 37 جاسار جەرلەسىنە قاتىستى سوت ءوتتى, ول قوناققا كەلگەن تانىسىمەن ىشىمدىككە تويىپ الىپ, تانىسىنىڭ “ۆاز 21144” اۆتوكولىگىن تىزگىندەپ, اۋدارعان. سقو-دا جىل باسىنان قر قىلمىستىق كودەكسىنىڭ 346-بابى بويىنشا 51 فاكتى انىقتالدى.