بۇگىن مەملەكەت باسشىسى قاسىم-جومارت توقاەۆ سىبايلاس جەمقورلىققا قارسى كۇرەس ماسەلەلەرى جونىندە كەڭەس وتكىزدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, - دەپ حابارلايدى Egemen.kz.
"شاراعا ورتالىق مەملەكەتتىك ورگانداردىڭ باسشىلارى مەن وبلىس اكىمدەرى قاتىستى. پرەزيدەنتكە سىبايلاس جەمقورلىققا قارسى كۇرەس ءىس-قيمىل اگەنتتىگىنىڭ, دەنساۋلىق ساقتاۋ, ىشكى ىستەر, تسيفرلىق دامۋ, يننوۆاتسيالار جانە اەروعارىش ونەركاسىبى, قارجى, اۋىل شارۋاشىلىعى مينيسترلىكتەرىنىڭ باسشىلارى, شىمكەنت قالاسى جانە جامبىل وبلىسىنىڭ اكىمدەرى ەسەپ بەردى. قازاقستان پرەزيدەنتىنىڭ كەڭەستە سويلەگەن ءسوزىنىڭ تولىق ءماتىنى akorda.kz. سايتىندا جاريالانادى", - دەپ جازدى بەرىك ءۋالي.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.