اقتوبە وبلىسى پوليتسيا دەپارتامەنتى مەن ارداگەرلەر كەڭەسى ۇدايى ءىىم ارداگەرلەرىنە قامقورلىق كورسەتىپ كەلەدى. بۇل تۋرالى Polisia.kz حابارلايدى, دەپ جازادى Egemen.kz
پوليتسيا قىزمەتكەرلەرى مەرەيتويلار مەن ەستەلىك كۇندەردى ۇمىتپايدى, قازىرگى پاندەميا ۋاقىتىندا ارداگەرلەردىڭ جاعدايلارىنا الاڭداپ, مورالدىق تۇرعىدا قولداۋ كورسەتەدى, سونداي-اق وسى كۇردەلى كەزەڭدە ورىن العان ماسەلەلەردى شەشۋگە كومەكتەسەدى.
ءوز كەزەگىندە وتستاۆكاداعى كوپتەگەن پوليتسيا قىزمەتكەرلەرى جۇمىسقا جاڭادان ات باسىن بۇرعان جاس ماماندارعا ءوز تاجىريبەسىمەن, ەستەلىكتەرىمەن ءبولىسىپ, تالىمگەر بولادى. 24 شىلدە كۇنى پد باستىعىنىڭ ءبىرىنشى ورىنباسارى قانات اليەۆ پەن ارداگەرلەر كەڭەسىنىڭ توراعاسى عالىم داۋلەتالين ءىىو-نىڭ ءتورت ارداگەرىن ء"ىىم قۇرمەتتى ارداگەرى" توسبەلگىسىمەن ماراپاتتادى.
ارداگەرلەر ۇيىمدارىنىڭ جۇمىسىنا قوسقان ۇلەسى, جاس قىزمەتكەرلەردى قازاقستاندىق پاتريوتيزم رۋحىندا تاربيەلەگەنى, ولاردىڭ كاسىبي شەبەرلىگىن ارتتىرعانى ءۇشىن وتستاۆكاداعى ميليتسيا پولكوۆنيگى مەرۋەرت ابدۋگاليەۆنا مۋسينا, ميليتسيا پودپولكوۆنيگى نابات راشيت ۇلى قارابەكوۆ, ميليتسيا مايورى ورازعالي قانافيا ۇلى قايىپوۆ, پوليتسيا كاپيتانى قالدىبەرگەنوۆ شۋنيشباي ۇلى ءشارىپوۆ ماراپاتتالدى. ءىس-شاراعا الەم چەمپيونى رايسا بايليەۆا دا قاتىستى. ول وسىنداي جىلى قابىلداۋلارعا ريزا بولىپ, ءىىو-نىڭ بارلىق ارداگەرلەرىنە باعا جەتپەس تاجىريبەنى جاس بۋىنعا ۇيرەتىپ, بەيبىتشىلىك پەن تىنىشتىققا دەمالۋعا تىلەك ءبىلدىردى.