پەتروپاۆلدىق پوليتسيا ينسپەكتورلارى رەسپۋبليكالىق "جولدا قابىلداۋ" اكتسياسىن جۇرگىزۋى كەزىندە وعان كوپتەگەن تۇرعىندار, سونىڭ ىشىندە ءبىر مۇعالىم العىسىن ءبىلدىردى, - دەپ حابارلايدى Egemen.kz.
ايەل مۇعالىمنىڭ ايتۋىنا قاراعاندا جالعىز ۇلى كوپجىلدان بەرى جامان ادەتكە بوي الدىرعان ەكەن. سونى ۋچاسكەلىك ينسپەكتورلار جاقسىلىق يسماقوۆ پەن داۋرەن رىمباەۆ قولعا الىپ, تۇزەلۋ جولىنا سالىپتى. ء"اربىر كىشكەنتاي پروبلەمانىڭ سىرتىندا ۇلكەن ادام تاعدىرى تۇرادى" دەمەكشى ۋچاسكەلىك ينسپەكتورلاردىڭ ۇزبەي قاداعالاعاندىعىنىڭ ارقاسىندا جاس ازامات تۇزەلىپ, اراقتى قويىپ جۇمىسقا كىرگەن. "مەن ولاردىڭ ءوز مىندەتىن اتقارىپ جاتقانىن تۇسىنەمىن, بىراق مىندەتتى قاعاز جۇزىندە اتقارۋ بار دا, شىن جاناشىرلىقپەن كىرىسۋ بار عوي. مىنا ازاماتتار ارقاشان جاناشىرلىقپەن كومەككە كەلدى. مەنىڭ ولارعا دەگەن العىسىم شەكسىز", دەيدى ليۋبوۆ اناتولەۆنا ياكوۆەنكو.
"جولدا قابىلداۋ" اكتسياسى وتكەن ەكى كۇننىڭ ىشىندە پوليتسەيلەرگە 100-دەن استام سۇراق كەلىپ ءتۇستى. ولاردىڭ باسىم بولىگى – ونلاين-فورماتتا. وتىنىشتەردەن بايقايتىن بولساق, سولتۇستىكقازاقستاندىقتاردى مازالايتىنى موتوتسيكل جۇرگىزۋشىلەرىنىڭ تۇنگى شۋلى جۇرىستەرى. "الداعى دەمالىس كۇندەرى پايدالانۋشىلار اتاپكورسەتكەن ۋچاسكەلەردە پاترۋلدەۋدى كۇشەيتپەكشىمىز. موتوتسيكل جۇرگىزۋشىلەرمەن پروفيلاكتيكالىق جۇمىستار ۇنەمى جۇرگىزىلىپ تۇرادى, الايدا ولار قاتاڭىراق شارا قولدانۋدى كۇتۋدە", - دەپ اتاپ ءوتتى سقو پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى پوليتسيا مايورى الەكساندر روزباح.
"حالىقپەن كەرى بايلانىس – پوليتسيانىڭ بارلىق بولىنىستەرى ءۇشىن ماڭىزدى قادام. پوليتسيا جۇمىسىنداعى باسىمدىلىق بارلىق حابارلامالارعا, ونىڭ ىشىندە ونلاين-فورماتتا شۇعىل ارەكەت ەتۋ بولىپ تابىلادى", - دەدى سقو پد باستىعى, پوليتسيا پولكوۆنيگى مارات تولەباەۆ جارتى جىلدىقتىڭ قورىتىندىسى بويىنشا جۋىردا وتكەن ونلاين-كەڭەستە.
سولتۇستىك قازاقستان وبلىسى