كولىك جۇرگىزۋشىلەرىنە كەپتەلىستىڭ الدىن الۋ ءۇشىن مارشرۋتىن الدىن-الا جوسپارلاۋ ۇسىنىلادى, دەپ حابارلايدى ەلوردا اكىمدىگىنىڭ رەسمي سايتى.
جول جەلىسىن ورتاشا جوندەۋ اياسىندا اقمەشىت كوشەسىندە دوستىق كوشەسىنەن قوناەۆ كوشەسىنە دەيىنگى ۋچاسكەدە قۇرىلىس جۇمىستارى جۇرگىزىلۋدە, دەپ حابارلايدى قالالىق كولىك جانە جول-كولىك ينفراقۇرىلىمىن دامىتۋ باسقارماسى.
وسىعان بايلانىستى, 7-15 ماۋسىم ارالىعىندا كولىك قوزعالىسىن ءىشىنارا توقتاتۋ جوسپارلانعان.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن مارشرۋتىن الدىن-الا جوسپارلاۋى كەرەك. قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز», – دەلىنگەن حابارلامادا.