2020 جىلى «QazAvtoJol» ۇك» اق رەسپۋبليكالىق ماڭىزى بار جولداردا 62 سانيتارلىق-گيگيەنالىق توراپ (سگت) ورناتۋدى جوسپارلاپ وتىر دەپ حابارلادى يدم ءباسپاسوز قىزمەتى.
سونىمەن قاتار, جەكە ينۆەستيتسيالار ەسەبىنەن سگت بار 23 جانارماي قۇيۋ ستانتسياسى سالىنادى.
جول بويىنداعى قىزمەت كورسەتۋ ساپاسىن ارتتىرۋ ماسەلەسى قر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ ەرەكشە باقىلاۋىندا. جالپى العاندا, بۇگىنگى تاڭدا رەسپۋبليكالىق جانە حالىقارالىق ماڭىزى بار جولدار بويىندا قىزمەت كورسەتەتىن 1815 نىسان بار. ولاردىڭ 894-ءى نەمەسە 49% ۇلتتىق ستاندارتتىڭ تالاپتارىنا ساي كەلەدى.
وسى رەتتە اكىمدىكتەردىڭ جۇمىستاردى بەلسەندى جۇرگىزۋى ناتيجەسىندە اتىراۋ, قوستاناي, اقمولا جانە شىعىس قازاقستان وبلىستارى ۇزدىك ناتيجە كورسەتتى. ال ماڭعىستاۋ, سولتۇستىك قازاقستان, تۇركىستان جانە باتىس قازاقستان وبلىستارىندا جول بويىندا قىزمەت كورسەتۋ سالاسىنىڭ دامۋ دەڭگەيى ءالى دە تومەن. بيىل اكىمدىكتەرمەن بىرلەسىپ, اتالمىش نىسانداردىڭ 58% تالاپقا سايكەستەندىرۋ ءۇشىن جۇمىسى جۇرگىزىلەدى.