قازاقستاندا الەۋمەتتىك جاعىنان از قامتىلعان وتباسىلار ءۇشىنشى جىل قاتارىنان «قازاقستاننىڭ SOS بالالار اۋىلدارىنداعى» بالالار مەن وتباسىلاردى قولداۋ ورتالىقتارىنان كومەك الۋدا. بۇل جوبا تۇرمىسى قيىن وتباسىلارعا كومەك كورسەتۋ ماقساتىندا قۇرىلعان بولاتىن.
جوبانى «قازاقستاننىڭ SOS بالالار اۋىلدارى» كورپوراتيۆتىك قورى مەن «Samruk-Kazyna Trust» الەۋمەتتىك دامۋ قورى بىرلەسىپ 2017 جىلدان بەرى جۇزەگە اسىرىپ كەلەدى. جۇمىس بالالارمەن دە, اتا-انالارمەن دە جۇرگىزىلەدى, ولارعا پسيحولوگيالىق, الەۋمەتتىك, زاڭگەرلىك كومەك, سونىمەن قاتار جۇمىس جانە تۇرعىن ءۇي تابۋعا كومەك كورسەتىلەدى. قىزمەتكەرلەر بالا اسىراپ الۋشى وتباسىلارىمەن دە تىعىز بايلانىستا بولىپ, اسىراپ الۋشى مەن بالا اراسىنداعى قارىم-قاتىناستى دۇرىس جولعا قويۋعا, بالانىڭ جاڭا وتباسىنا بەيىمدەلۋىنە كومەكتەسەدى.
«جوبا ۇلكەن مانگە يە, ويتكەنى ونىڭ مىندەتى – قۇقىقتىق, الەۋمەتتىك, پسيحولوگيالىق رەسۋرستاردى پايدالانا وتىرىپ, وتباسىن ساقتاۋ, ولارعا جان-جاقتى كومەكتەسۋ. اتا-اناسىنىڭ قامقورلىعىنسىز قالعان بالالاردىڭ بيولوگيالىق تۋىستارىمەن قايتا قاۋىشۋىنا دا مۇمكىندىك جاسالادى. مىسالى, بىلتىر 51 بالاعا وسىنداي كومەك كورسەتىلىپ, ولاردىڭ 19-ى ءوز وتباسىنا ورالدى», دەيدى «Samruk-Kazyna Trust» قورىنىڭ جوبا مەنەدجەرى اسەت قىلىشباەۆ.
سونىمەن قاتار, قازاقستاننىڭ «SOS بالالار قالاشىعىنىڭ» بالالار مەن وتباسىلارعا قولداۋ كورسەتۋ ورتالىقتارىندا اسىراپ الۋشى اتا-انالاردى وقىتادى, 2019 جىلى اسىراپ الۋشى اتا-انالار مەكتەبىنىڭ كۋرسىن 92 ادام تابىستى اياقتادى. كەيبىرەۋلەرى ءوز ارمانىن ىسكە اسىردى: بالالار اۋىلىنان 22 بالا قامقورلىققا الىندى. جالپى العاندا, وتكەن جىلى ءۇش قالادا ورنالاسقان ورتالىق 183 وتباسىنا قىزمەت كورسەتتى. 884 پسيحولوگيالىق كەڭەس وتكىزىلدى, 570-تەن استام ادام پسيحولوگتار مەن زاڭگەرلەردىڭ قىزمەتتەرىن الدى, 209 بالا لوگوپەدتەردىڭ, دەفەكتولوگتاردىڭ قاجەتتى تۇزەتۋ كومەگىمەن, سونداي-اق پەداگوگيكالىق دياگنوستيكامەن قامتىلدى.
بۇگىنگى كۇنى كارانتينگە بايلانىستى ەرەسەكتەر مەن بالالار ورتالىقتارعا قالىپتى تۇردە بارا المايدى. الايدا قول جەتكىزىلگەن پروگرەستى جوعالتپاۋ جانە وتباسىلاردى قامقورسىز قالدىرماۋ ءۇشىن الماتى, نۇر-سۇلتان جانە تەمىرتاۋ قالالارىنداعى بالالار مەن وتباسىلاردى قولداۋ ورتالىقتارى ونلاين جەلىگە قوسىلدى.
ورتالىق قىزمەتكەرلەرى – پسيحولوگتار, الەۋمەتتىك قىزمەتكەرلەر, زاڭگەرلەر تەلەفون ارقىلى, جەدەل حابار الماسۋ نەمەسە بەينە-كونفەرەنتسيا ارقىلى كەڭەس بەرەدى. قىزمەتتەر ءتىزىمى وتە الۋان ءتۇرلى: پسيحولوگيالىق ترەنينگتەر جانە وتباسىلىق كەڭەس بەرۋ, لوگوپەدپەن بالالارعا ارنالعان تۇزەتۋ ساباقتارى, زاڭگەرلىك كەڭەستەر, سونىڭ ىشىندە قازىرگى ۋاقىتتا جۇمىسسىزدىق بويىنشا جاردەماقى الۋعا قاتىستى كومەك.
ء«بىز پسيحولوگپەن WhatsApp مەسسەندجەرى ارقىلى جۇمىس ىستەيمىز, بۇل وتە ىڭعايلى. قاشىقتان جۇمىس ىستەۋدىڭ بەتپە-بەت كەزدەسۋلەرمەن ايىرماشىلىعى جوق. ەسەسىنە ناتيجەلى بولىپ, ۋاقىت ۇنەمدەلەدى. بىزگە قامقورلىق كورسەتكەنى ءۇشىن ورتالىققا ۇلكەن العىسىمدى ايتامىن», دەيدى نۇر-سۇلتان قالاسىنداعى بەنەفيتسيار.
ء«بىز جۇمىس ىستەيتىن وتباسىلار قيىن جاعدايدا. كارانتين ەنگىزىلگەننەن كەيىن ولار جۇمىس, قارجىلىق ماسەلەلەرگە جانە قوسىمشا شەكتەۋلەرگە بايلانىستى قينالا باستادى. ولار ورتالىق ماماندارىنان الىستان كومەك الۋى ءۇشىن ءبىز بارلىق جاعدايدى جاساۋعا تىرىستىق. سونىمەن قاتار, مۇنداي ۋاقىتتا ازىق-ت ۇلىك ساتىپ الۋ, كوممۋنالدىق تولەمدەر جانە ت.ب. سياقتى قاجەتتىلىكتەر پايدا بولادى. ءبىز وسىنداي قولداۋعا قاراجات قويمايمىز, سوندىقتان ءبىزدى قۋانا قولداعان «Samruk-Kazyna Trust» قورىنا جانە باسقا دا سەرىكتەستەردەن كومەك سۇرادىق», دەيدى قازاقستاننىڭ «SOS بالالار قالاشىعى» قورىنىڭ باعدارلامالىق ديرەكتورى ماريا چەرنوۆا.
سەرىكتەستەردىڭ قولداۋىمەن جوباداعى 80 وتباسىعا قاجەتتى زاتتار مەن گيگيەنالىق قۇرالدار كىرەتىن ازىق-ت ۇلىك پاكەتتەرى بەرىلگەن.