27 شىلدە كۇنى «قتج»ۇك»اق باسقارما توراعاسى قانات الپىسباەۆ 2018 جىلدىڭ ءبىرىنشى جارتىجىلدىعىنداعى جۇمىس قورىتىندىسىنا ارنالعان وتىرىس وتكىزدى.
«وتكەن كەزەڭدە جوسپارلانعان وندىرىستىك قارجىلىق كورسەتكىشتەردىڭ بارلىعى ورىندالىپ, وتكەن جىلدىڭ وسى كەزەڭىمەن سالىستىرعاندا ولاردىڭ ءوسىمى قامتاماسىز ەتىلدى, - دەدى ق. الپىسباەۆ.
جۇك اينالىمى بىلتىرعىمەن سالىستىرعاندا 9%-عا ارتىپ, 106,5 ملرد ت-كم-ءدى قۇرادى. بارلىق تاسىلعان جۇكتەردىڭ ىشىندە تاۋ-كەن, استىق, حيميكاتتار, تىڭايتقىشتار جانە قۇرىلىس جۇكتەرىنىڭ تاسىمالى ارتقان.
2018 جىلدىڭ سوڭىنا دەيىن جۇك اينالىمىن 219 ملرد. ت-كم دەڭگەيىنە جەتكىزۋ جوسپارلانۋدا.
ترانزيت وتكەن جىلعى دەڭگەيمەن سالىستىرعاندا 23%-عا, ياكي 6,8 ملن توننادان 8,3 ملن تونناعا كوبەيگەن. وسى تۇرعىدا جوسپار 7 پايىزعا ارتىق ورىندالىپ وتىر. ترانزيتتىك كونتەينەرلىك تاسىمال كولەمى 206,6 مىڭ دفە-ءنى قۇرادى, بۇل 2017 جىلمەن سالىستىرعاندا 39,5%-عا جوعارى. قىتاي/ازيا-ەۋروپا – قىتاي/ازيا باعىتىنداعى تاسىمال 2017 جىلعى دەڭگەيدەن 1,4 ەسەگە ارتىپ, 109 مىڭ دفە-ءنى قۇرادى.
ترانزيتتىك دامىتۋعا باسىمدىق بەرگەن كومپانيا باسشىسى «مەملەكەت باسشىسىنىڭ ترانزيتتىك جۇك اينالىمى كولەمىن 2020 جىلعا دەيىن 2 ملن كونتەينەرگە جانە ترانزيتتەن تۇسەتىن پايدانى 5 ملرد دوللار كولەمىنە جەتكىزۋ بويىنشا تاپسىرما بەرگەنىن» ەسكە سالدى.
قازىرگى تاڭدا كومپانيانىڭ 26% كىرىسى ترانزيتتىك تاسىمال ەسەبىنەن قۇرالىپ, ول جالپى جۇك اينالىمى كولەمىنىڭ 14%-ن قۇرايدى.
وتىرىس بارىسىندا كومپانيانىڭ قوزعالىس قاۋىپسىزدىگىن قامتاماسىز ەتۋ, جۇك جانە جولاۋشىلار تاسىمالى, تەمىر جول ينفراقۇرىلىمىنىڭ جاعدايى, كولىكتىك-لوگيستيكا, وندىرىستىك - قارجىلىق قىزمەتتەردىڭ دامۋى تۋرالى باسشىلار ەسەبى تىڭدالدى.
بۇل ماسەلەلەر بويىنشا جۇمىس قورىتىندىسى تۋرالى باسقارما توراعاسىنىڭ لوگيستيكا بويىنشا ورىنباسارى س.ەلۋباەۆ, «قتج» ۇك» اق باس ينجەنەرى ب.كوتىرەۆ, «قتج-جۇك تاسىمالى» اق باسقارما توراعاسىنىڭ م.ا. ق.ساۋىرباەۆ, «جولاۋشىلار تاسىمالى» اق باسقارما توراعاسى ا.سۇلتانوۆ, ماگيسترالدىق جەلىلەر ديرەكتسياسىنىڭ ديرەكتورى ت.كەنجەبەكوۆ, «قازتەمىرترانس» اق باس ديرەكتورىنىڭ م.ا. ك. سۋليمەنوۆ باياندادى.
وتىرىستا سونىمەن قاتار قوستاناي جول بولىمشەسىنىڭ ديرەكتورى ب. قايداروۆ جانە الماتى ماگيسترالدىق جەلى ديرەكتسيچسىنا قاراستى بەسكول جول ديستانتسياسىنىڭ باستىعى م. ەسكەندىروۆ ءسوز سويلەدى. ولار جۇك تاسىمالىن ۇيىمداستىرۋ, كۇتىپ ۇستاۋ جانە پايدالانۋداعى وزىق تاجىريبەلەرىمەن ءبولىستى.
«كومپانيانىڭ ءبىرىنشى كەزەكتەگى مىندەتى - پويىزدار قوزعالىسىنىڭ قاۋىپسىزدىگىن قامتاماسىز ەتۋ جانە تەحنولوگيالىق ءتارتىپتى ساقتاۋ», - دەپ اتاپ ءوتتى كومپانيا باسشىسى.
ماڭىزدى قىزمەت باعىتتارىنىڭ قاتارىندا الەۋمەتتىك ماڭىزدى جۇكتەردىڭ ۋاقىتىلى تاسىمالىن قامتاماسىز ەتۋ ماسەلەسى ايتىلدى.
«كومپانيا كوممۋنالدىق-تۇرمىستىق قاجەتتىلىكتەر ءۇشىن قاتتى وتىن, اۋىلشارۋاشىلىعى ونىمدەرىنىڭ ۇزدىكسىز جانە تۇراقتى تاسىمالىن ۇيىمداستىرۋ ءۇشىن كەرەك مۇمكىندىكتەرگە يە»,- دەدى وسىعان وراي ق. الپىسباەۆ.
«قتج» ۇك» اق باسقارما توراعاسى وندىرىستىك ۇدەرىستەردى وڭتايلاندىرۋ, ينفراقۇرىلىمدى جاڭعىرتۋ, ترانزيتتىك كونتەينەرلىك جۇك اينالىمىن, تاسىمال كولەمىن ءوسىرۋ, پويىزدار قوزعالىسى قاۋىپسىزدىگىن قامتاماسىز ەتۋ بويىنشا بارلىق جوسپارلانىپ وتىرعان شارالاردى ساپالى جۇزەگە اسىرۋ قاجەتتىگىن اتاپ ءوتتى.