ينديان-ۋەللس قالاسىندا ءوتىپ جاتقان WTA-1000 ساناتىنداعى بەدەلدى حارد تۋرنيرىندە قازاقستاندىق تەننيسشى سەربيالىق الەكساندرا كرۋنيچپەن جۇپ قۇراپ ونەر كورسەتىپ جاتىر. ولاردىڭ دۋەتى جارىستا بەسىنشى نومىرمەن تىركەلگەن.
جارتىلاي فينالدىق كەزدەسۋدە دانيلينا مەن كرۋنيچ جەتىنشى نومىرمەن تىركەلگەن يسپانيالىق كريستينا بۋكشا مەن امەريكالىق نيكول مەليكار-مارتينەس جۇبىن سەنىمدى تۇردە جەڭدى. ماتچ ەكى سەتتە – 6:3, 6:4 ەسەبىمەن اياقتالدى.
كەزدەسۋ 1 ساعات 19 مينۋتقا سوزىلدى. وسى ۋاقىت ىشىندە قازاقستاندىق-سەربيالىق جۇپ ءۇش ەيس جاساپ, ءبىر قوس قاتەلىك جىبەردى جانە 13 برەيك-پوينتتىڭ تورتەۋىن ءتيىمدى پايدالاندى.
فينالدا اننا دانيلينا مەن الەكساندرا كرۋنيچ چەحيالىق كاتەرينا سينياكوۆا جانە امەريكالىق تەيلور تاۋنسەند جۇبىمەن كەزدەسەدى. ءۇشىنشى نومىرمەن تىركەلگەن بۇل دۋەتكە قارسى شەشۋشى ماتچ 14 ناۋرىزعا جوسپارلانعان.
ينديان-ۋەللستەگى ءساتتى ونەرىنىڭ ارقاسىندا اننا دانيلينا جۇپتىق رازريادتاعى الەمدىك رەيتينگتە ءتورتىنشى ورىنعا كوتەرىلەدى. بۇل – تەننيسشىنىڭ كارەراسىنداعى ەڭ ۇزدىك ناتيجە بولماق.
