فوتو: astanatv.kz
قالدىقتاردىڭ كوپ بولىگى دەمالىس جانە مەرەكە كۇندەرىنەن كەيىن جينالادى. كول مۇزىندا جانە جاعالاۋ ايماقتارىندا پلاستيك بوتەلكەلەر, پاكەتتەر, ازىق-ت ۇلىك قاپتامالارى, ءبىر رەتتىك ىدىستار جانە باسقا دا تۇرمىستىق قالدىقتار قالادى. كوكتەمدە مۇز ەرىگەن كەزدە بۇل قالدىقتار سۋعا ءتۇسىپ, كولدەردىڭ ەكوجۇيەسىنە زيان كەلتىرۋى مۇمكىن.
ينسپەكتورلار تەك سۋ ايدىندارىمەن شەكتەلمەيدى. ۇلتتىق پارك اۋماعىنداعى ورمان القاپتارى مەن تۋريستىك سوقپاقتاردى تازارتۋ جۇمىستارى تۇراقتى تۇردە جۇرگىزىلەدى, بۇل شارالار تابيعي اۋماقتاردىڭ تازالىعىن ساقتاۋ جانە قورشاعان ورتاعا ۇقىپتى قاراۋ مادەنيەتىن قالىپتاستىرۋعا باعىتتالعان «تازا قازاقستان» اكتسياسىنىڭ ءبىر بولىگى بولىپ تابىلادى.
قورشاعان ورتانى قورعاۋ شارالارىمەن قاتار, ۇلتتىق پارك تابيعاتتى قورعاۋ زاڭناماسىن بۇزعاندار ءۇشىن اكىمشىلىك جاۋاپكەرشىلىك بار ەكەنىن ەسكەرتەدى. قىس مەزگىلىندە «ەرەكشە قورعالاتىن تابيعي اۋماقتاردىڭ قورعاۋ رەجيمىن بۇزۋ» بابى بويىنشا 34 دەرەك تىركەلىپ, ارقايسىسىنا 10 اەك كولەمىندە ايىپپۇل سالىندى. سونداي-اق ءبىر كەلۋشى «ورماندى قالدىقتارمەن ءبۇلدىرۋ, لاستاۋ نەمەسە ورمان قورى جەرلەرىنە وزگە دە زيان كەلتىرۋ» بابى بويىنشا 20 اەك ايىپپۇل تولەدى.
ۇلتتىق پارك اكىمشىلىگى بۋراباي تابيعاتىن ساقتاۋ تەك ينسپەكتورلاردىڭ جۇمىسىنا عانا ەمەس, كەلۋشىلەردىڭ جاۋاپكەرشىلىگىنە دە بايلانىستى ەكەنىن ەسكە سالادى. كەلۋشىلەرگە قاراپايىم ەرەجەلەردى ساقتاۋ ۇسىنىلادى – قوقىستى وزىمەن بىرگە الىپ كەتۋ جانە قورشاعان ورتاعا ۇقىپتى قاراۋ.
«الداعى ۋاقىتتا دا «تازا قازاقستان» اكتسياسى جالعاسادى, ال ينسپەكتورلار اۋماقتى تازارتۋ شارالارىن جۇيەلى تۇردە وتكىزەدى. مىسالى, 2026 جىلعى 21 ناۋرىزدا «بۋراباي» مۇتپ اۋماعىنداعى بارلىق كولدەردە «تازا مۇز» ەكولوگيالىق اكتسياسى جوسپارلانىپ وتىر. وعان كەز كەلگەن نيەت ءبىلدىرۋشى قاتىسا الادى. ەرىكتىلەر بۋراباي كەنتى, كەنەسارى كوشەسى 47 «ب» مەكەنجايى نەمەسە 8 (71636) 71236 تەلەفونى ارقىلى حابارلاسا الادى», دەلىنگەن ۇلتتىق پارك اكىمشىلىگىنىڭ حابارلاماسىندا.
