اگروتەحنوپارك قۇرۋ ۋنيۆەرسيتەتتىڭ اگرارلىق عىلىمدى دامىتۋ, پراكتيكالىق باعىتتاعى ءبىلىم بەرۋدى جەتىلدىرۋ جانە ەكونوميكانىڭ ناقتى سەكتورىمەن بىرىكتىرۋ سالاسىنداعى جۇيەلى جۇمىسىنىڭ زاڭدى جالعاسى.
اگروتەحنوپاركتىڭ بيزنەس-ينكۋباتسيا, يننوۆاتسيالىق كومپانيالاردى قولداۋ جانە اگروونەركاسىپتىك كەشەن (اوك) سالاسىنداعى جوعارى تەحنولوگيالىق جوبالاردى دامىتۋ ءۇشىن زاماناۋي ورتا قۇرۋدى كوزدەيدى. ورتالىق اگروتەحنولوگيالاردى سىناقتان وتكىزۋگە جانە كورسەتۋگە, جوبالاردى عىلىمي-زەرتتەۋ كەزەڭىنەن نارىققا دەيىن سۇيەمەلدەۋگە, بيزنەس ءۇشىن تەحنولوگيالىق تاۋەكەلدەردى ازايتۋعا جانە يننوۆاتسيالاردى لابوراتوريادان وندىرىسكە تەزىرەك جەتكىزۋگە ارنالعان. اگروتەحنوپارك حالىقارالىق عىلىمي-تەحنولوگيالىق ىنتىماقتاستىقتى دامىتۋ باعىتىنا دا نازار اۋدارادى.
ايداربەك ساپاروۆ ورتالىقتىڭ ينفراقۇرىلىمى, لابوراتوريالىق بازاسى جانە وندىرىستىك-ينجەنەرلىك مۇمكىندىكتەرىمەن تانىستى. اگروتەحنوپاركتىڭ جالپى اۋدانى شامامەن 1000 شارشى مەتردى قۇرايدى. ونىڭ قۇرىلىمىندا تاجىريبەلىك جانە پيلوتتىق جۇمىستارعا ارنالعان مەتالل وڭدەۋ تسەحى بار وندىرىستىك-ينجەنەرلىك بلوك, رەزيدەنتتەرگە ارنالعان كەڭسە كەڭىستىگى, سونداي-اق تولىق تسيكلدى لابوراتوريالىق كەشەن قاراستىرىلعان.
سونداي-اق قۇرامىنا اۋىل شارۋاشىلىعى داقىلدارىن مولەكۋلالىق-گەنەتيكالىق زەرتتەۋ, اگروبيوتەحنولوگيا جانە ميكروبيولوگيا زەرتحانالارى, فيزيكا-حيميالىق تالداۋ, سىناما دايىنداۋ جانە اناليتيكالىق زەرتتەۋگە ارنالعان قازاقستان-اۋستراليا يننوۆاتسيالىق ورتالىعى كىرەدى.
ايداربەك ساپاروۆ اگروتەحنوپارك قۇرۋ ءىسى اگرارلىق عىلىمدى جاڭعىرتۋ جانە عىلىمي زەرتتەۋلەردى ءتيىمدى نارىققا شىعارۋ جۇيەسىن قۇرۋداعى ماڭىزدى قادام ەكەنىن اتاپ ءوتتى.
«بۇگىنگى تاڭدا عىلىمي شەشىمدەردىڭ لابوراتوريا قابىرعاسىندا قالماي, اۋىل شارۋاشىلىعى وندىرۋشىسىنە جەتۋى جانە ناقتى ەكونوميكالىق ناتيجە بەرۋى وتە ماڭىزدى. اگروتەحنوپارك عالىمدار مەن اگروبيزنەس وكىلدەرىن بايلانىستىراتىن كوپىر بولۋعا ءتيىس», دەدى مينيستر.
ۋنيۆەرسيتەت رەكتورى قانات تىرەۋوۆ ءوز سوزىندە اگروتەحنوپارك اوك سالاسىندا تەحنولوگيالىق كاسىپكەرلىكتىڭ جاڭا مادەنيەتىن قالىپتاستىرۋ, جاڭا بۋىن ماماندارىن دايىنداۋ جانە عىلىمي زەرتتەۋلەرگە ينۆەستيتسيا تارتۋ ءۇشىن جاعداي جاسايتىنىن اتاپ ءوتتى.
«ورتالىق جاس عالىمدار, ستارتاپ-كوماندالار جانە باسەكەگە قابىلەتتى وتاندىق تەحنولوگيالاردى جاساۋ مەن ەنگىزۋگە قىزىعۋشىلىق تانىتقان يندۋستريالدى سەرىكتەستەر ءۇشىن ىنتىماقتاستىڭ الاڭىنا اينالادى», دەدى رەكتور.
اگروتەحنوپاركتىڭ قىزمەتى اۋىل شارۋاشىلىعى داقىلدارىنىڭ جاڭا سورتتارى مەن بۋداندارىن, زاماناۋي بيوپرەپاراتتار مەن ينجەنەرلىك شەشىمدەردى نارىققا جىلدام شىعارۋ, اگرووندىرىستىڭ ونىمدىلىگى مەن تۇراقتىلىعىن ارتتىرۋ, سونداي-اق وتاندىق اوك ەكسپورتتىق الەۋەتىن نىعايتۋ ءۇشىن ماڭىزدى ءرول اتقارماق.
سونداي-اق ۋنيۆەرسيتەت بازاسىندا «اگرارلىق عىلىم جەتىستىكتەرىن وندىرىسكە ەنگىزۋ – اگروونەركاسىپ كەشەنىنىڭ تۇراقتى دامۋىنىڭ كەپىلى» اتتى رەسپۋبليكالىق سەمينار-كەڭەس ءوتتى.
اگروونەركاسىپ كەشەنىن دامىتۋ: شارۋالارعا جىلدىق 5%-بەن جەڭىلدەتىلگەن نەسيە بەرىلەدى
ءىس-شاراعا «ۇلتتىق اگرارلىق عىلىمي-ءبىلىم بەرۋ ورتالىعى» اكتسيونەرلىك قوعامى, ونىڭ ەنشىلەس ۇيىمدارى, عىلىمي قاۋىمداستىق وكىلدەرى جانە وبلىس اكىمدەرىنىڭ ورىنباسارلارى قاتىستى.
جيىندا اۋىل شارۋاشىلىعى ءمينيسترى ايداربەك ساپاروۆ سەلەكتسيا مەن تۇقىم شارۋاشىلىعىن دامىتۋ ەلدىڭ ازىق-ت ۇلىك قاۋىپسىزدىگىن قامتاماسىز ەتۋدەگى نەگىزگى تەتىك ەكەنىن اتاپ ءوتتى.
