فوتو: energyprom.kz
قۇجات اياسىندا تاراپتار جاھاندىق جىلىنۋمەن كۇرەسۋ ماقساتىندا قازاقستان اۋماعىندا جاڭارتىلاتىن ەنەرگيا كوزدەرى مەن تۇراقتى دامۋ سالاسىنداعى جوبالاردى ىلگەرىلەتۋ, ازىرلەۋ جانە جۇزەگە اسىرۋ بارىسىندا كۇش بىرىكتىرەدى.
كەلىسىمگە سايكەس جيىنتىق قۋاتى 1,5 گۆت بولاتىن ءۇش جەل ەلەكتر جانە قۋاتى 0,3 گۆت بولاتىن ءبىر كۇن ەلەكتر ستانساسى سالىنادى. جوبالار قاراعاندى, تۇركىستان جانە پاۆلودار وبلىستارىندا ىسكە اسىرىلادى.
ناتيجەسىندە 100-دەن استام تۇراقتى جانە شامامەن 1500 ۋاقىتشا جۇمىس ورنى اشىلىپ, 2 ملرد اقش دوللارىنان استام ينۆەستيتسيا تارتىلادى. سونداي-اق جىل سايىن 5,7 ملرد كۆت/ساعاتتان استام «جاسىل» ەلەكتر ەنەرگياسى وندىرىلەدى. قازاقستان تاراپىنان بىرلەسكەن ينۆەستور رەتىندە «سامۇرىق-ەنەرگو» اكتسيونەرلىك قوعامى قاتىسادى.
اتالعان جوبالاردى جۇزەگە اسىرۋ جاڭارتىلاتىن ەنەرگيا كوزدەرىنىڭ ۇلەسى بويىنشا ينديكاتيۆتىك كورسەتكىشتەردى (ونىڭ ىشىندە 2030 جىلعا قاراي 15%-عا جەتۋ ماقساتى) ورىنداۋدى قامتاماسىز ەتىپ, ۇلتتىق ستراتەگيالىق قۇجاتتاردا بەكىتىلگەن ەلىمىزدىڭ كومىرتەكتى بەيتاراپتىق ماقساتىنا قول جەتكىزۋگە ەلەۋلى ۇلەس قوسادى.
