فوتو: ەڭبەك جانە حالىقتى الەۋمەتتىك قورعاۋ مينيسترلىگى
ستاتيستيكا سويلەسىن
595,6 مىڭ تاپسىرىستىڭ ىشىندە شامامەن 440 مىڭ مۇگەدەكتىگى بار ادام وڭالتۋدىڭ تەحنيكالىق قۇرالدارىن (وتق), 9,8 مىڭى – ىمداۋ ءتىلى قىزمەتىن, ال 26,5 مىڭى – جەكە كومەكشىنىڭ قىزمەتىن, 119,3 مىڭى – شيپاجايلىق-كۋرورتتىق ەمدەۋ قىزمەتىن العان.
تسيفرلىق قولتاڭبامەن راستالادى
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق تسيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە اكەتۋ ارقىلى الۋعا بولادى.
وڭالتۋ قۇرالدارى
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالدار, سونداي-اق كرەسلو-اربالار بەرۋدى قامتيدى.
پورتالدا قانشا قىزمەتشى بار؟
بۇگىندە پورتالدا 595 ارناۋلى الەۋمەتتىك قىزمەت كورسەتۋشى, 1084 وتق جەتكىزۋشىسى, 32 مىڭنان استام جەكە كومەكشى, 766 ىمداۋ ءتىلى جانە 124 شيپاجايلىق-كۋرورتتىق ەمدەۋ قىزمەتتەرىن ۇسىنۋشى تىركەلگەن.
ەسكە سالايىق, مۇمكىندىگى شەكتەۋلى جاندارعا 2025 جىلى نەشە تەڭگە جاردەماقى بەرىلگەنى تۋرالى جازعانبىز.
