ەسكە سالايىق, اگەنتتىك پەن ۇلتتىق بانكتىڭ بىرلەسكەن قاۋلىسىنا سايكەس, 2025 جىلعى 1 قاراشادان 2026 جىلعى 1 شىلدەگە دەيىن يپوتەكالىق كرەديتتەر بويىنشا جتسم-ءدى 25 پايىزدان 20 پايىزعا دەيىن تومەندەتۋ تالابىنىڭ كۇشى ۋاقىتشا توقتاتىلدى.
اگەنتتىك بۇل شەشىم حالىقتىڭ دا, بانكتەردىڭ دە مۇددەسىن ەسكەرە وتىرىپ قابىلدانعانىن اتاپ ءوتتى.
«بۇل شەشىم قازىرگى ەكونوميكالىق جاعدايدى ەسكەرە وتىرىپ, يپوتەكالىق كرەديتتەردىڭ قۇنىن رەتتەۋدە تەڭگەرىمدى ۇستانىمدى ساقتاۋ, بانكتەردىڭ قارجىلىق تۇراقتىلىعىن قولداۋ جانە سونىمەن بىرگە حالىق ءۇشىن يپوتەكانىڭ قولجەتىمدىلىگىن تومەندەتپەۋ ماقساتىندا قابىلداندى. سونىمەن قاتار جاڭا تالاپتار كۇشىنە ەنگەنگە دەيىن يپوتەكاعا ءوتىنىم بەرگەن ازاماتتارعا ەرەجەلەردىڭ وزگەرۋىنە بايلانىستى باس تارتۋسىز نەسيە راسىمدەۋگە مۇمكىندىك بەرەدى», دەلىنگەن اگەنتتىك حابارلاماسىندا.
وسىلايشا, 2026 جىلعى 1 شىلدەگە دەيىن قازاقستاندا كرەديتتەر بويىنشا مىناداي شەكتى مولشەرلەمەلەر قولدانىستا بولادى:
– كەپىلسىز بانكتىك قارىزدار بويىنشا – 46 پايىز;
– كەپىلمەن بەرىلەتىن بانكتىك قارىزدار بويىنشا – 35 پايىز;
– يپوتەكالىق كرەديتتەر بويىنشا – 25 پايىز.
