ونىڭ ايتۋىنشا, قازىر الماتىدا شامامەن 2,3 ملن ادام تۇرادى. سونىڭ 1,9 ميلليونى نەمەسە 82 پايىزى ساقتاندىرىلعان مارتەبەگە يە. ال شامامەن 444 مىڭ قالا تۇرعىنى ءمامس جۇيەسىنەن تىس قالىپ وتىر.
ساقتاندىرىلماعاندار قاتارىندا D جانە E ساناتتارىنا جاتاتىن, ياعني ءال-اۋقاتىنىڭ داعدارىستىق جانە شۇعىل دەڭگەيىندەگى ازاماتتار بار. بۇل – تابىسى تومەن نەمەسە مۇلدە جوق, ومىرلىك قيىن جاعدايعا تاپ بولعان شامامەن 95 مىڭ ادام.
بولجامدى دەرەكتەرگە سايكەس, 2026 جىلى جەرگىلىكتى بيۋدجەت ەسەبىنەن وسى ساناتتاعى مەديتسينالىق كومەكتى بەلسەندى پايدالاناتىن 34 مىڭ ادام ءۇشىن ءمامس جارنالارى تولەنەدى. سونىمەن قاتار رەسمي تىركەلگەن 28 مىڭ جۇمىسسىز ازامات ءۇشىن دە ساقتاندىرۋ جارنالارى قاراستىرىلادى.
1 قاڭتاردان باستاپ ءمامس جۇيەسىنە بىرقاتار وزگەرىس ەنگىزىلەدى
مۇحامەدجان يلياستىڭ مالىمەتىنشە, اتالعان ساناتتار بويىنشا 2026 جىلى جارنالاردى تولەۋگە جۇمسالاتىن جالپى شىعىن 6,9 ملرد تەڭگەدەن اسادى. ءبىر ادامعا ارنالعان اي سايىنعى جارنا مولشەرى 9 189 تەڭگە بولىپ بەلگىلەنگەن. بۇل رەتتە ساقتاندىرىلعان مارتەبە اۆتوماتتى تۇردە بەرىلەدى, ال جارنالار مەديتسينالىق كومەككە ناقتى جۇگىنگەن كەزدە تولەنەدى.
2026 جىلدان باستاپ جۇمىسسىز ازاماتتار ءمامس ارقىلى تەگىن مەديتسينالىق كومەك الادى
2026 جىلعى قاڭتاردان باستاپ وسى ساناتتاعى ازاماتتار ءمامس جۇيەسىندە مەديتسينالىق قىزمەت الۋعا قۇقىعى بار ەكەنىن راستايتىن SMS-حابارلامالار الا باستايدى.
