وسى ءبىلىم دوداسىندا ۇلىتاۋ وبلىسى, جاڭاارقا اۋدانىنىڭ توعىز وقۋشىسى جاراتىلىستانۋ-ماتەماتيكالىق باعىتتا جۇلدەلى ورىنداردى يەلەندى.
10-سىنىپ وقۋشىسى كوركەم كەيكوۆا ماتەماتيكا پانىنەن ۇزدىك ءبىلىم كورسەتىپ, ءى ورىن - التىن مەدالعا يە بولدى. جەتەكشىسى گۇلسىم راحىمجانوۆا.
حيميا پانىنەن 10-سىنىپ وقۋشىسى جانىبەك ابيۋروۆ ء ىىى ورىن – قولا مەدالدى ولجالادى. جەتەكشىسى شايزادا يسكاكوۆا.
ماتەماتيكا پانىنەن 9-سىنىپ وقۋشىسى نارىك مەدينا ءىىى ورىن الىپ, قولا جۇلدەگە يە بولدى. جەتەكشىسى سامات ىزتولەۋوۆ.
10-سىنىپ وقۋشىسى ميراس قاراعىزوۆ ماتەماتيكا پانىنەن جانە 10-سىنىپ وقۋشىسى بەكسۇلتان قارجاۋباي فيزيكا پانىنەن گراموتالارمەن ماداقتالدى.
رەسپۋبليكالىق دەڭگەيدە توپ جارعان وقۋشىلاردى جانە ولاردىڭ ۇستازدارىن جاڭاارقا اۋدانىنىڭ اكىمى قانات قوجىقاەۆ سالتاناتتى تۇردە قابىلدادى.
«سىزدەر تەك ءوڭىرىمىزدىڭ ەمەس, ەلدىڭ دە ءۇمىتىن اقتاپ وتىرسىزدار. بىلىمگە دەگەن ىقىلاستارىڭىز – بولاشاقتىڭ كەپىلى. ىزدەنىستى توقتاتپاي, العا جىلجي بەرىڭىزدەر. ءبىز ءاردايىم قولدايمىز», دەپ ىزگى تىلەگىن جەتكىزدى اۋدان اكىمى.
كەزدەسۋ بارىسىندا اۋدان باسشىسى وليمپيادا جەڭىمپازدارىن قۇتتىقتاپ قويماي, جۇلدەلى ورىن العان وقۋشىلارعا سمارتفون, ماداقتامامەن ماراپاتتالعان وقۋشىلارعا پلانشەت تابىستادى. سونىمەن قاتار جەتەكشى ۇستازدار اۋدان اكىمىنىڭ العىس حاتىمەن ماراپاتتالدى.
ۇلىتاۋ وبلىسى
